Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Takerada Wam Ú Akaaôron A Bibilo

Vegher u sha 7: Mnder u Yesu zan zan M-wuhe u Paulu ken Gaadi

Vegher u sha 7: Mnder u Yesu zan zan M-wuhe u Paulu ken Gaadi

Sha iyange i sha utar e̱r a kpe kera la yô, i nder Yesu shin mbakpenev. Sha iyange la a ande hen mbadondon nav kposo kposo kwa taan. Yesu za hemen u anden hen ave zan zan ayange 40. Tsô, je e̱r mbahenen nav mbagenev ve lu kenger la, Yesu kôndo yem sha. Ayange nga karen pue yô Aôndo haa icighan jijingi na sha mbadondon mba Yesu mba ve lu keghen ken Yerusalem la.

Ken hemen yô, mbaihomov mba Aôndo ve kôr mbaapostoli ve wuhe ken gaadi, kpa ortyom va due a ve. Yange mbahendankwagh ve ta apostoli Sefanu awen ve wua un. Kpa se hen e̱r yange Yesu tsua môm ken mbahendankwagh mban sha u a hingir icighan ortom na yô, man a hingir apostoli Paulu. Tsô, er Yesu kpe kera anyom kar kuma atar man tiôn yô, Aôndo tindi apostoli Peteru sha u a va pase Korneliu u lu Oryuda ga la kwaghaôndo aa tsombor na cii.

Anyom nga karen 13 yô Paulu hii zende na u hiihii u kwaghpasen. Sha zende na u sha uhar la Timoteu dondo Paulu. Se hen er Paulu kua ahuraior a na a ve zenden imôngo la ve zua a ashighe a saan iyol sha u eren Aôndo tom yô. Ken masejime yô, i wuhe Paulu ken gaadi ken Roma. Anyom nga karen ahar ken hemen yô i pase un, nahan cii kpaa shi i hide i wuhe un ken gaadi man i wua un. Akaa a ken Vegher u sha UTAANKARUHAR ne a er ken atô u anyom 32 nahan.

Iwanger pir Saulu ashe