Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Takerada Wam Ú Akaaôron A Bibilo

Kwaghôron u sha 94: Á Soo Mbayev Mbakiriki

Kwaghôron u sha 94: Á Soo Mbayev Mbakiriki

NENGE Yesu heen e̱r a kuve wanakiriki ne yô. Ú fatyô u kaan wer Yesu ngu a iko i wan sha mbayev mbakiriki. Ior mba ve lu kenger mbara ka mbaapostoli nav. Yesu ngu ôron a ve er nyi? De se hen se fa.

Yesu kua mbaapostoli nav ve sember hiden zende u caa. E̱r ve lu van sha gbenda la mbaapostoli gba anyiman ker ayolave. Nahan zende ngu kur yô Yesu pine ve er: ‘Ka nyi kwagh ashen ne lu gban anyiman shami sha gbenda?’ Sha mimi yô, Yesu fa kwagh u ashen ve lu gban anyiman shami yô. Kpa a pine mpin la sha u una nenge aluer mbaapostoli vea ôr un yô.

Yesu man wanye u kiriki

Mbaapostoli ungwa ato, sha ci u ashen ve lu gban anyiman ayolave sha gbenda sha kwagh u or u nan hembe ken atô ve yô. Mbaapostoli mbagenev soo u ma ve hembe lun a icivir a mbagenev. Yesu una e̱r nan ve una ôr ve er ka shami ga u soon u lun or u hembana?

A yila wanye u kiriki, man a ver un hen ishigh vev cii. Tsô a kaa a mbahenen nav er: ‘M soo mer fa nen kwagh ne waeng ner, Saa ne gema ne hingir er wanye u kiriki ne nahan keng, ga yô ne nyôr tartor u Aôndo ga. Or u hemban cii ken tartor la a lu or u nan gem nan hingir er wanye u kiriki ne nahan yô.’ Ú fa er i hii ve Yesu yange ôr nahan kpa?

Ka shami, mbayev mbakiriki mba we iko sha kwagh u hemban orgen shin u hemban lun zegenan a mbagenev ga. Nahan gba u mbahenen vea hen sha u lun er mbayev mbakiriki ken gbenda ne man i de luun sha u zeren zôhôn zwa sha kwagh u lun zegenan shin hemban ga.

Ashighe agen kpaa, nga, a Yesu tese er un soo mbayev mbakiriki yô. Iwer ken hemen kpeghee ior mbagenev va a mbayev vev sha u ve̱ va nenge a Yesu. Mbaapostoli nôngo sha u yangen ve sha u ve̱ de ve ikua ga yô. Kpa Yesu kaa a mbaapostoli nav er: ‘De mbayev mbakiriki ve̱ va hen amo, de yangen ve ga, sha ci u tartor u Aôndo ngu sha ci u ior mba vea lu e̱r ve nahan yô.’ Tsô Yesu kôr mbayev mbakiriki sha ave na, man a na ve iveren. Ka kwagh u doon sha u fan ér Yesu soo mbayev mbakiriki gaa?

Mateu 18:1-4; 19:13-15; Marku 9:33-37; 10:13-16.



Mbampin

  • Kanyi mbaapostoli yange ve gba anyiman sha mi sha gbenda er ve lu hiden zende u icaa laa?
  • Hii nan ve Yesu yange yila wanye u kiriki, ver un hen atô u mbaapostoli nava?
  • Ka sha nyi gbenda i doo u mbaapostoli vea hen u lun er ka mbayev mba kiriki?
  • Iwer ngi karen ken hemen kpuaa yô, Yesu tese ér mbayev doo un ishima nena?

Mbampin mbagenev

  • Ôr Mateu 18:1-4.

    Er nan ve yange Yesu tesen kwagh sha anzaakaa? (Mat. 13:34, 36; Mar. 4:33, 34)

  • Ôr Mateu 19:13-15.

    Aluer se soo u va ember averen a Tartor ua va a mi la yô, ka anza a mbayev mba kiriki a nyi i gbe u se kava? (Ps. 25:9; 138:6; 1 Kor. 14:20)

  • Ôr Marku 9:33-37.

    Kanyi Yesu yange tese mbahenen nav sha kwagh u keren hemen shin keren ér vea due iti laa? (Mar. 9:35; Mat. 20:25, 26; Gal. 6:3; Fil. 2:5-8)

  • Ôr Marku 10:13-16.

    Yange i taver ior u zan hen Yesu ga nena, man kanyi mbatamen mba ken Kristu vea hen sha ikyav na laa? (Mar. 6:30-34; Fil. 2:1-4; 1 Tim. 4:12)