Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Takerada Wam Ú Akaaôron A Bibilo

Vegher u sha 5: Mlu u ken Uikyangen ken Babilon zan zan M-maa u Girgar u Yerusalem

Vegher u sha 5: Mlu u ken Uikyangen ken Babilon zan zan M-maa u Girgar u Yerusalem

Er ve lu ken uikyangen ken Babilon la, Mbaiserael zua a akaa a karen jighjigh ve u nan kpishi. Shaderaki, Meshaki man Abedinego cii yange i gbihi ve ken atô u atse a usu u yeghen ker la, kpa Aôndo due a ve uma. Ken hemen, er Mbamedia man Mbapershia mba va hembe Babilon kera yô, i gbihi Daniel shin ihungwa i ubegha, kpa shi Aôndo kura un sha u cirin ubegha mbara ijô.

Ken masejime yô, Shirushi tor u Pershia va pase Mbaiserael. Yange ve hide ken tar ve shighe u anyom 70 kar er yange i yem a ve uikyangen ken Babilon la vough. Môm ken akaa a hiihii a ve e̱r shighe u ve hide ken Yerusalem yô lu u hiin u maan tempel u Yehova. Nahan cii kpaa, ica gba ga tsô mbaihomov yange tom ve la. Nahan anyom kar 22 er ve hide ken Yerusalem la cii man ve mase been m-maa u tempel ye.

U dondon yô, se hen kwagh u m-hidi u Esera ken Yerusalem sha u za eren hwe ken tempel. Kwagh ne lu shighe u i bee tempel anyom kar kuma 47 yô. Tsô, er Esera yem anyom kar 13 yô, Nehemia wase sha u hiden maan girgar u Yerusalem u yange i yôhôr i haa inya la. Vegher u sha UTAAN ne a yisa anyom 152 a akaa a mbayiase zan zan ar hen shighe ne.

Esera man ior mba eren msen