Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Takerada Wam Ú Akaaôron A Bibilo

Kwaghôron u sha 116: Er Se Er Ve Se Lu Uma Gbem sha Won Yô

Kwaghôron u sha 116: Er Se Er Ve Se Lu Uma Gbem sha Won Yô

Ú FATYÔ u ôron kwagh u wanyekwase ne kua ahuraior a na ve lu ôron ne kpa? Een, ka takerada shon ú we kpaa ú lu ôron ne—Takerada Wam ú Akaaôron a Bibilo. Man mba ôron kwaghôron shon u we kpaa ú lu ôron ne—“Er Se Er ve Se Lu Uma Gbem sha won Yô.”

Wanyenomso ngu ôron takerada

Ú fa kwagh u ve lu henen kpa? Hiihii yô, mba henen er gba u se fa Yehova man Wan na Yesu aluer ka u se lu uma gbem sha won yô. Bibilo i̱ kaa er: ‘Ka kwagh u ú er ve ú lu uma gbem sha won je ne. Hen kwagh u Aôndo u mimi tswen, man Wan u á tindi shin tar la, Yesu Kristu.’

Se fatyô u henen kwagh u Yehova Aôndo man Wan na Yesu nena? Gbenda u môm yô ka u ôron Takerada Wam ú Akaaôron a Bibilo ken mhii zan zan mkur. Ú ôr akaa kpishi sha kwagh u Yehova man Yesu, shin ú ôr ga? Man shi ú ôr akaa kpishi á ve er man shi á vea va er ken hemen kpaa yô. Kpa gba u se er kwagh á hemba u gban ôron di takerada ne tsô la.

Bibilo

Ú nenge aa takerada u u lu hen inya la kpa? Ka Bibilo. Ker or na̱na̱ ôr avegher ken Bibilo hen ape i dugh akaaôron ne la. Bibilo i̱ na se kwaghôron u kuman vough u í doo u se zua a mi sha u se cii se fatyô u eren Yehova tom sha gbenda u vough man zuan a uma u tsôron yô. Nahan yô i̱ hingir ieren yase u henen Bibilo sha hanma ian cii.

Kpa u henen kwagh u Yehova Aôndo man Yesu Kristu la tseegh kuma ga. Se fatyô u lun a kwaghfan kpishi kpishi sha kwagh ve man atesen a ve, nahan cii kpaa se zua a uma u tsôron ga. Ú fa kwagh ugen u á ban kpa?

Gba u se eren tom sha akaa a se hen la ken uuma asev. Ú umbur Yuda Isekarioti kpa? Yange lu môm ken mba 12 mba Yesu tsua er ve̱ hingir mbaapostoli nav la. Yuda lu a kwaghfan kpishi sha kwagh u Yehova man Yesu. Kpa kanyi yange i e̱r unu? Yange shighe karen yô a hingir u wan hua, man a tee Yesu hen mbaihomov nav sha agbenger a azurfa 30. Nahan yô Yuda una zua a uma u tsôron ga.

Ú umbur Gehashi, or u se hen kwagh na ken Kwaghôron u sha 69 la kpa? Yange soo er una zua a akondo man inyaregh ki yange ki lu ki nagh ga yô. Nahan a e̱r aie sha u una zua a akaa ne yô. Kpa Yehova tsaha un. Man una tsaha se kpaa aluer se kura atindi a na ga yô.

Kpa ior mba kpishi mba yange ve er Yehova tom sha jighjigh yô. Se soo ser se lu e̱r ve nahan, shin se soo ga? Wanakiriki Samuel ngu ikav i dedoo i se dondo yô. Umbur, er se vande nengen ken Kwaghôron u sha 55 la nahan, yange lu anyom anyiin shin ataan nahan tseegh shighe u a hii u eren tom ken tabernakel u Yehova la. Nahan wea lu iyev nan nan je kpaa, u ngu iyev gande u eren Yehova tom ga.

Ka mimi, or u se cii se soo ser se dondo yô ka Yesu Kristu. Er yange lu wanye u kiriki la je kpaa, vough er í tese ken Kwaghôron u sha 87 la nahan, yange lu ken tempel lu ôron kwagh a mbagenev sha kwagh u Ter na u sha. De se dondo ikav na la. De se ôr ior kpishi kpishi er se fetyô la cii kwagh u kpilighyol u Yehova Aôndo wase man Wan na, Yesu Kristu. Aluer se e̱r akaa ne yô, se fatyô u lun uma gbem sha won ken paradiso u he u Aôndo la shin tar ne.

Yohane 17:3; Upasalmi 145:1-21.



Mbampin

  • Aluer ka u se lu uma gbem sha won yô, kanyi i gbe u se fa?
  • Se er nan ve se hen kwagh u Yehova Aôndo kua Yesu er wankwase u cuku ne kua azende a na a lu eren ken foto heen nahana?
  • Kanyi takerada ugen ú nenge a mi ken foto nee, man hii nan ve i doo u se ôron ú?
  • Dugh u henen kwagh u Yehova man Yesu kera yô, kanyi kwagh igen i gbe u se er ve se zua a uma u tsôronô?
  • Kanyi se hen ken kwaghôron u sha 69 laa?
  • Ikyav i dedoo i wanakiriki Samuel u í er kwagh na ken kwaghôron u sha 55 la tese nyi?
  • Se dondo ikyav i Yesu Kristu nena, man aluer se dondo i̱̱ yô, se fatyô u eren nyi ken hemene?

Mbampin mbagenev

  • Ôr Yohane 17:3.

    Ruamabera tese ér u zuan a mfe u Yehova Aôndo man Yesu Kristu la hemba di u fan ve tsô nena? (Mat. 7:21; Yak. 2:18-20; 1 Yoh. 2:17)

  • Ôr Pasalmi 145:21.

    Ka atôakaa agen a nyi a ne ve se wuese Yehova? (Ps. 145:8-11; Mpa. 4:11)

    Yehova “eren erdoo a ior cii” nena, man kwagh ne una na se hemba kporom ikyua a na nena? (Ps. 145:9; Mat. 5:43-45)

    Aluer Yehova doo se ishima a ishima yase i môm yô, kwagh la una mgbegha se u eren nyi? (Ps. 119:171, 172, 175; 145:11, 12, 21)