Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 VEGHER 17

Jesus Teaches About God’s Kingdom

Jesus Teaches About God’s Kingdom

Yesu tese mbahenen nav akaa kpishi, nahan kpa yange hemba veren ishima sha itinekwagh i môm. Itinekwagh shon yô, lu Tartor u Aôndo

YESU va shin tar ne ér una va er nyi? Un iyol na kaa ér: “Ka u Me ôr Loho u Dedoo u tartor u Aôndo . . . keng, gadia ka sha ci u nahan je i tindim ye.” (Luka 4:43) Nenge ase akaa anyiin a Yesu tese ior sha kwagh u Tartor, u̱ ú lu kwagh u vesen u yange pasen ior la.

1. Yesu una lu Tor. Yesu iyol na ôr wener un ngu Mesiya u i tsenge ôron kwagh na la. (Yohane 4:25, 26) Shi yange pase ér un ngu Tor u profeti Daniel nenge a na ken mpase u sha mnenge la. Yesu kaa a mbaapostoli nav ér iyange igen yô una tema sha “ikyônough . . . ki torough ki engem,” ve kpaa vea tema sha mkônom ma torom. (Mateu 19:28) Yesu yila ve mba vea tema tor a na ne ér “anikyumuile u kpeghee” shi Yesu kaa wener un ngu a “iyôngo igen” i í lu ken nongo u “anikyumuile u kpeghee” la ga yô.—Luka 12:32; Yohane 10:16.

2. Tartor u Aôndo ua samber a perapera u mimi. Yesu tese ér Tartor ua tsegha iti i Yehova Aôndo shi ua kar a akaa a Satan hii u ôron sha shighe u ihyembeato i ken Eden sha u vihin Aôndo iti la kera. Sha nahan yô ua bee a ifer i hemban cii la vindi vindi. (Mateu 6:9, 10) Shi hanma iyange yô, Yesu eren kwagh a ior sha msange u sha dooshima ga, gadia tesen nomso man kasev kua mbainyarev man mbaibanave a mpav shio. Shin er Yesu va shin tar sha u va tesen Mbaiserael jighilii nahan kpa, yange tese Mbasamaria kua atôatyev agen aa a lu Mbayuda ga la. Yesu lu er mbahemenev mba kwaghaôndo mba sha ayange a na la ga, sha ci u un eren kwagh a ior sha msange a sange ga.

3. Tartor u Aôndo ua lu u shin tar ne ga. Yesu lu uma sha shighe u ayôôso a patii ngee yô. Tar na lu sha ikyev i tar ugen. Nahan kpa, zum u ior soo ér a wa ave sha akaa a patii a i eren hen shighe na la yô, a kar hen a ve kera. (Yohane 6:14, 15) Yesu kaa a orpati ugen ér: “Tartor Wam ka u shin tar ne ga.” (Yohane 18:36) Shi kaa a mbahenen nav ér: ‘Ne mba ior i tar ne ga.’ (Yohane 15:19) Yesu lumun ér ve tôô ma ikyav ki numugh ve nôngo kwagh sha ci na ga.—Mateu 26:51, 52.

“A gba zenden nyôron ken . . . angarev mba kiriki, lu ôron kwaghaôndo, pasen Loho u Dedoo u tartor u Aôndo.”Luka 8:1

4. Mtemtor u Kristu la una har sha dooshima. Yesu yange tôndo zwa ér una na ior mpeveryol sha mbamzeyol vev. (Mateu 11:28-30) Shi ka kwagh u yange er kpaa je la. Yesu wa ior kwagh sha dooshima sha gbenda u wasen ve u wan ishima a ishimanyian shi sôron ayôôso shi palegh isharen i inyar shi zuan a msaanyol kpaa. (Mateu, ityough 5-7) Er tese ior dooshima yô, ior kposo kposo vaan hen a na. Ior mba i nzughul a ve kpishi je kpaa vaan hen a na a vangertiôr ér una er a ve doo doo, man sha icivir kpaa. Yesu una lu tor u dedoo kpen kpen!

Gbenda u injaa ugen kpa ngu u Yesu tese ior kwagh u Tartor u Aôndo yô. Yesu er uivande kpishi. Er nan ve Yesu eren uivande? De se nenge ityôkyaa.

—I zua a kwagh u i nger heen ne ken takerada u Mateu man Marku man Luka kua Yohane.