Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 5

Loho u Bibilo

Loho u Bibilo
TESE SHA...

Yehova Aôndo ngu a ian i hemen se. Gbenda u a hemen la hemba doon cii. Kwagh u a we ishima u eren sha ci u tar ne kua sha ci uumace la kpa una er un.

Er inyom i 4026 C.S.Y. kar kera la

Satan u a lu “iyo” la gba ahon sha ian i Aôndo a lu a mi i hemen kua gbenda u a hemen la cii. Yehova tôndo zwa ér “wan” shin “vor” ua va cagh iyô ityough, ka Satan je la. (Genese 3:1-5, 15) Nahan cii kpa, Yehova de ér uumace ve hemen ayol a ve sha ikyev i Satan shighe a kar ve.

Inyom i 1943 C.S.Y.

Yehova kaa a Aberaham ér “vor” u yange un tôndo zwa ér ua va tim Satan la, a lu wan u Aberaham.​—Genese 22:18.

Er inyom i 1070 C.S.Y. kar kera la

Yehova kaa a Tor Davidi, shi va ôr a Solomon kpaa ér, “vor” la ua due ken tsombor ve.—2 Samuel 7:12, 16; 1 Utor 9:3-5; Yesaia 9:6, 7.

Inyom i 29 S.Y.

Yehova pase wang ér ka Yesu a lu “vor” u ua tema sha ikyônough ki torough ki Davidi la ye.—Mbagalatia 3:16; Luka 1:31-33; 3:21, 22.

 Inyom i 33 S.Y.

Satan u a lu iyô la, yange cagh “vor” u i tôndo zwa ér ua va la ikishinguhar sha anshighe kpuaa sha u wuan Yesu. Yehova nder Yesu yem a na sha shi lumun nagh ku Yesu va na sha uma na u vough la, nahan hingir u a fatyô u den ônov mba Adam asorabo a ve shi nan ve uma u tsôron kpaa.—Genese 3:15; Aerenakaa 2:32-36; 1 Mbakorinte 15:21, 22.

Er inyom i 1914 la nahan

Yesu yange gbihi Satan, ua lu tseyô la shin tar, una lu shimi sha anshighe kpuaa.—Mpase 12:7-9, 12.

Ken Hemen

Yesu una wuhe Satan anyom 1,000, maa una mase caghen un ityough sha u timin un kera. Awashima u Yehova lu a mi ve gba tar kua uumace la maa una kure sha mi, a tsegha iti na, shi hanma or a nenge er gbenda na u hemen la u hembe doon yô.—Mpase 20:1-3, 10; 21:3, 4.