Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

Ngeren u Hiin

Ngeren u Hiin

Hen Or u Ôron:

Ka u er u ngu a Aôndo ikyooso kyooso yôô? Ior kpishi hen er ma or môm kpa nana fa kwagh ne ityô ga. Mbagenev tôô ér ngu ica hiinii gande; shi mbagenev yô ve nenge er ve yina za kar ikyaa inya. Nahan kpa, Bibilo wa se kwagh sha dooshima ér: “Kporom nen hen Aôndo, Un kpaa, Una kporom her a ven.” (Yakobu 4:8) Shi Aôndo taver mba civir un ishima ér: “Mo, TER, Aôndo wou, M kôr uwegh ough ku yanegh; M kaa a we Mer: De cie ga, M wasen we.”—Yesaia 41:13.

Se er nan ve se lu vea Aôndo ikyooso kyooso? Hanma ijende i se ker yô, mlu u kangenaa la ka a har sha mfe u se fe or shon shi se soo nan shi aeren a nan a doo se la. Nahan aeren a Aôndo man igbenda na i í pase ken Bibilo la, ka akaa a hange hange a se hen se fa yô. U timen sha gbenda u Yehova a eren hanma ieren na ken igbar la, man er Yesu Kristu yange kav aeren a na shon vighe vighe la, shi fan er se kpa se fatyô u lun a aeren shon la, una kporom a vese hen Aôndo. Se nenge er i lu Yehova jighilii i gbe u una lu Tor u sha won cii, shi i lu un a hembe kuman sha ian ne kpaa yô. Heela tseegh ga, ka un a lu Ter u kwagh a gbe se cii a na ye. Ngu a agee shi ngu jighjigh shi ngu a kwaghfan shi ngu a dooshima kpaa, mayange gbihin ônov nav mba ve ne un jighjigh la ga.

Takerada ne ma u wase u ma u seer kporom hen Yehova Aôndo, shi ma̱ u ye ikyar a na i mayange ia bee sha won ga yô, sha er u lu uma u wuese un gbem sha won yô.

Mbangeren