Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Uma Wase u Mbakristu man Tom Wase–Antakerada u Mkombo  |  Oktoba 2017

 LU A IEREN I ORKRISTU

Kwagh u Se Er Ve Se Lu Mbatimen ken Ruamabera Tsema Tsema Yô

Kwagh u Se Er Ve Se Lu Mbatimen ken Ruamabera Tsema Tsema Yô

Shighe u ú tagher kwagh u karen jighjigh wou yô, u soo wer u tile sha mimi er Daniel nahan kpa? Daniel yange henen Mkaanem ma Aôndo tsema tsema, kua akaaôron a profeti a cimin je kpaa. (Da 9:⁠2) Aluer u ngu timen ken Bibilo tsema tsema yô, kwagh la una wase u u tilen sha mimi. Er nan se ôr nahana? Ka sha ci u u seer nan jighjigh wer Yehova una kure uityendezwa nav. (Yos 23:14) Shi kwagh la una na Aôndo a seer doon we ishima, nahan dooshima la una mgbegha u u palegh kwaghbo. (Ps 97:10) Kpa u hii nena? Nenge ase mbamhen mban.

  • Ka nyi me time sha mi? Kwaghhenen u injaa kua u wan agoyol sha mbamkombo. Aluer u tôô shighe u ôr Bibilo i ôron i ken kasua la shi u time sha avur a a wanger we ga la yô, u hemba zuan a mtsera. Mbagenev yô, tsua u henen akaaôron a profeti shin avegher a ityamegh ki jijingi u Aôndo shin henen kwagh u zende u mishen u apostoli Paulu la gayô henen kwagh u akaa a Yehova a gbe se nengen a mi la. Aluer ma mpin u ken Bibilo va u ken ishima er sev mbu av, u lu eren akaa a ou la yô, nger un inya, u teman u henen kwagh kwagen yô, time sha mi.

  • Me zua a kwagh u m lu keren la hana? Nenge vidio i Ikyav mbi Timen sha Kwagh mbi Keren Akaainjaa a ken Jijingi la sha er u fa ape u zua a kwagh u ú lu keren la yô. Kar ase mfe wou, time fa ityartor i i tile sha ityough ki inyamkyume i i er kwagh u i ken Daniel ityough 7 la.

  • Me hen kwagh shighe a kuma nena? Aluer se soo u taver ken jijingi yô, gba u se henen kwagh hanma shighe. Sha hiihii la, u fatyô u henen kwagh shighe kpuaa, nahan shighe a karen yô, u fatyô u seer shighe aluer gba sha mi yô. Kwagh u henen Mkaanem ma Aôndo la ngu er u timen keren akaainjaa a i yer a nahan; er u lu zuan a akaainjaa seer la, u hemba soon u seer timen a cii! (Anz 2:​3-6) Mkaanem ma Aôndo ma a seer saren we, nahan maa u hingir u henen Bibilo hanma iyange.​—⁠1Pe 2:⁠2.

INYAMKYUME I I ER KWAGH U I KEN DANIEL ITYOUGH 7 LA TILE SHA ITYOUGH KI NYI?

  • Da 7:4

  • Da 7:5

  • Da 7:6

  • Da 7:7

MPIN U SEER:

Daniel ityough 7:​8, 24 yange kure sha mi nena?

KWAGH U ME HEN KWAGEN YÔ:

Inyamkyume i i er kwagh u i ken Mpase ityough 13 la tile sha ityough ki nyi?