Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Uma Wase u Mbakristu man Tom Wase–Antakerada u Mkombo  |  Oktoba 2017

 LU A IEREN I ORKRISTU

Lu Uma u Wuese Yehova!

Lu Uma u Wuese Yehova!

Uma ka iyua i injaa kpen kpen. Gbenda u se eren kwagh a iyua ne hanma sev la ua tese aluer i gba se kwagh shin i gba ga kpaa. Er se lu Mbashiada mba Yehova yô, ka se nôngo ser se er tom a mfe wase man agee ase u wuese Yehova shi civir Un; gadia ka un a ne se uma ye. (Ps 36:9; Mp 4:11) Nahan kpa, alaghga akaa a nyian ishima a se tagher a mi hanma iyange la a a na se gema akaa a ken jijingi se ver ken ijime. (Mr 4:​18, 19) Nahan doo u hanma wase nana pine iyol i nan ér: ‘M ngu nan Yehova naagh ku hemban doon mimi kpa? (Ho 14:⁠2) Tom u m eren shin kwagh u m tsough u eren la ngu benden a mcivir wam nena? Ka akaa a ken jijingi a nyi m we ishima u erene? Me seer eren tom u pasen kwagh nena?’ Aluer u nenge wer kwagh ngu u i gbe u u seer eren yô, sôn Yehova a wase u nahan er kwagh u i gbe u u er la fese. Akperan nga ga, ka sea wuese Yehova hanma iyange yô, se zua a mkom shi i saan se iyol!​—⁠Ps 61:⁠8.

Ka an u lu eren nan tom a mfe wouwe?

NENGE VIDIO I ER YEHOVA TOM A MFE WOU LA, MAA NA MLUMUN SHA MBAMPIN MBA VE DONDO NE:

  • Er nan i doo u ú er tom a mfe wou sha ci u tar u Satan ne ga? (1Yoh 2:⁠17)

  • Ka averen a nyi mba ve ne Yehova naagh ku hemban doon la ve zuan a mi?

  • Ka aan a tom a nyi nahan u fatyô u eren tom a mfe wou ken nôngo u Yehova?