Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Uma Wase u Mbakristu man Tom Wase–Antakerada u Mkombo  |  Novemba 2017

 LU A IEREN I ORKRISTU

Er Se Seer Fan Igbenda i Pasen Kwagh Yô​—⁠U Hiden Za Sôron Or

Er Se Seer Fan Igbenda i Pasen Kwagh Yô​—⁠U Hiden Za Sôron Or

ER I HII VE I LU HANGE HANGE YÔ: Ior kpishi mba i sar ve u ungwan loho u Tartor ne la, mba keren mimi u sha kwagh u Aôndo. (Yes 55:⁠6) Nahan, cii man se tese ve sha gbenda u vea za hemen yô, gba u se hide se za sôr ve kwa kimbir kimbir. Ior mba tagher a mbamtaver kposo kposo, nahan doo u se fa ser gbenda u se kar ve se wase ior u seer lun a isharen la kpa ua lu kwagh môm ga. Nahan cii kpa, aluer se wa agoyol tsembelee yô, se hemba wasen ve. Hanma kwa u ú ze u sôron or cii, lu a kwagh u u soo wer u za er yô ken ishima; awashima wou u vesen yô, i lu u hiin Bibilo i henen a nan.

ER U ER KWAGH NE YÔ:

  • Nôngo de ngôôr u hiden za sôron or ga; de den wer ayange a kar kpishi man u za ga.​—⁠Mt 13:⁠19

  • Eren a nan kundu kundu shi naan nan icivir. Gba ishima ikyôr

  • Hii sughun or shon sar sar. Yila nan sha iti i nan. Umbur nan ityôkyaa i i ne ve u hidi shi u ve yô; alaghga u va wer u va na nan mlumun sha mpin, shin u va na nan magazin u he, shin wer u tese nan kwagh u ijiir yase i sha Intanet gayô u tese nan vidio shin u tese nan er ka se hen Bibilo a ior yô. Aluer nan soo ér ne lam sha itinekwagh igen yô, yem sha kwagh u nan dugh a mi la.​—⁠Fil 2:4

  • Ur ivor i mimi i u lee ken ishima i or shon la sha u lamen a nan sha ma kwagh u ken Ruamabera gayô nan nan ma takerada. (1Kor 3:⁠6) Nôngo ya ijende a or shon

  • Kure iliam a nan sha gbenda u nana soo ér u hide u za sôr nan kwagen kpaa yô