Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Uma Wase u Mbakristu man Tom Wase–Antakerada u Mkombo  |  Novemba 2016

 AKAAINJAA A KEN MKAANEM MA AÔNDO | ANZAAKAA 27-31

Bibilo Pase Aeren a Kwase u Injaa

Bibilo Pase Aeren a Kwase u Injaa

Anzaakaa ityough 31 ôr mkaanem ma injaav ma ngô u Tor Lemuel ôr un yô. Kwaghwan u ngô na ne wase un u kaven aeren a kwase u injaa.

Ka nan kuma u a suur sha nan

31:10-12

  • Ka nan due a mbamhen mba injaav shighe u ve soo u tsuan kwagh u vea er hen tsombor yô, kpa nan ongo imo i nom u nan

  • Nom u nan ka a lu a vangertiôr ér nana fatyô u tsuan kwagh u injaa, sha nahan yô, nom u nan sendegh ér saa hanma kwagh yô, kwase la a pine nan ian cii nana er ga

Kwase u injaa nan eren tom taveraa

31:13-27

  • Nan vihin inyaregh sha kwaghfan shi nan eren kwagh akuma akuma sha er tsombor u nan ua wuhan iyol tsembelee shi ua yaan kwaghyan tsembelee yô

  • Nan eren tom taveraa shi nan nengen sha ya u nan tugh man atetan

Akaa a ken jijingi nga a gba kwase u injaa ishima

31:30

  • Nan cie Aôndo shi nan ya ikyar a na kôôsôô