Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 LU A IEREN I OKRISTU

LUngwa Imo i Aôndo—Er Ú Er Tom a Mi Yô

LUngwa Imo i Aôndo—Er Ú Er Tom a Mi Yô

Yange i gber antakerada u Ungwa Imo i Aôndo la, sha u tesen mba ve fe takerada u ôron ga la, atesen a Bibilo a tamen a a ufoto mba ve lu ker la. Hanma iaven ka i lu peeji uhar shi ngi a ufoto shi i er akav a tesen kwagh u ufoto mba shon sha adondo adondo.

Ufoto mba ken antakerada u Ungwa Imo i Aôndo, Nahan Lu Uma Gbem sha Won la mba kwagh môm a mba ken antakerada u Ungwa Imo i Aôndo la, kpa antakerada u Ungwa Imo i Aôndo, Nahan Lu Uma Gbem sha Won la hemba ngun a ngeren kimi shi a fatyô u henen un a mba ve pande ve fe takerada u ôron kpuaa yô. Mbapasenkwagh mbagen ka ve hemba soon u lun a kôpi u antakerada ne shighe u ve lu henen kwagh a or ken antakerada u Ungwa Imo i Aôndo la yô. Upeeji mbagenev ker mba a ngeren u seer u a fatyô u timen sha mi yô, nahan kpa har sha mkav u orhenen Bibilo la.

U fatyô u nan ior antyakeradav mba uhar mban hanma shighe cii, aluer ka ve i lu nan ken won uwer la ga je kpaa. Shighe u ú lu henen kwagh a or yô, nenge nen ufoto mba ve lu ker la, nahan pase kwagh u Bibilo i er la. Pinen orhenen Bibilo la mbampin sha er nan kpa nana lu lamen shi u nenge aluer nan ngu kaven kwagh shon kpa u fa yô. Ôr avur a Bibilo a a lu shin ityô i hanma peeji la shi ta iwanger sha mi. U henen antakerada ne vea or u been yô, hen takerada u Bibilo Tese Ér Nyi Jimi? gayô takerada u Bibilo Tese Se Nyi? la a nan, sha er u wase orhenen Bibilo la nana za hemen a kuma u eren batisema yô.