Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Uma Wase u Mbakristu man Tom Wase–Antakerada u Mkombo  |  Maaci 2016

 PASEN KWAGH SHA GBASHIMA

Er Se Seer Fan Igbenda I Pasen Kwagh Yô—U Duen a Gbenda Wou u Nan Ior Magazin

Er Se Seer Fan Igbenda I Pasen Kwagh Yô—U Duen a Gbenda Wou u Nan Ior Magazin
TESE SHA...
Text
Image

ER I HII VE I LU HANGE HANGE YÔ: Er igbenda i nan ior umagazin shin ityakerada i ka i due a mi ken antakerada u mkombo la ka i wase se se zua a mbamhen mba pasen kwagh nahan kpa, ka di ngeren u nengen ker tsô. Gba u u ôr kwagh ken mkaanem ou. Alaghga u nenge gbenda ugen ua hemba doon we gayô u nenge wer itinekwagh igen ia hemba zuan sha mlu u hen ijiir la. Aluer ka nahan yô, zum u u ôr magazin u bee shi u time sha igbenda i nan ior magazin la, shi u nenge vidio i tesen er a na ior ve la yô, u fatyô u dondon mbamhen mba i dugh a shin heen ne, nahan duen a gbenda wou u nan ior magazin shin ma takerada la.

ER SE ER KWAGH NE YÔ:

Pine iyol you wer, ‘M soo u dondon ma gbenda ken igbenda i nan ior umagazin i i dugh a mi heen nee?’

EEN

  • Wa agoyol er u za hii iliam a or yô. U sughun or u been yô, pase nan ityôkyaa i u ve la tiônôô. (Ikyav i tesen yô: “M va mer . . .”)

  • Nenge er u fatyô u zuan mpin la sha ivur Bibilo i i tese la, kua magazin shin nyityô takerada u i lu nan ior la yô. (Ikyav i tesen yô: Cii man u yila ivur Bibilo i u soo u ôron yô, u fatyô u kaan wer: “Bibilo na mlumun u kuman vough sha mpin ne, heen.”)

EI

  • Tsua itinekwagh ken magazin i i doo u, shi ia doo ior mba hen ijiir i u pasen kwagh la yô

  • Tsua mpin u u pine or ve una mgbegha nan u lamen shi ôron mnenge u nan la, kpa i de lu mpin u sha msende shin u una na nana hee ga. (Ikyav i tesen yô: Mbampin mba ka ve lu sha peeji 2 u umagazin la nahan.)

  • Tsua ivur Bibilo i u ôr yô. (Aluer u ngu nan Awake! yô, u fatyô u ôron ivur Bibilo shin ôron ga, sha ci u ka i gber magazin ne sha ci u mba ve lu a mfe sha kwagh u Bibilo kpuaa tseegh shin ve ne kwaghaôndo jighjigh ga kuaa yô.)

  • Pase ken hwangekwaghôron môm shin ihiar nahan er orya nana ôr ngeren la ve una wase nan yô

KWAGH U U TSOUGH CII

  • Wa agoyol sha mpin u u been yô, u pine nan sha er u hide u za sôr nan, u na mlumun sha mi yô

  • Nger kwagh shin inya sha er una wase u u umbur kwagh u u soo wer u hide u va ve, u lam sha mi yô