Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 LU A IEREN I ORKRISTU

Palegh Mbamzeyol mba Ve Lu sha Ajiir a sha Intanet A Lamen shi Tindin Ior a Ilyoho Her La

Palegh Mbamzeyol mba Ve Lu sha Ajiir a sha Intanet A Lamen shi Tindin Ior a Ilyoho Her La

ER I HII VE I LU HANGE HANGE YÔ: Ajiir a sha Intanet a lamen shi tindin ior a ilyoho her la, aa fatyô u wasen se shin haan se ken ikyaa, er ikyav mbi tomough mbigen kpishi kpa ka i lu nahan. Mbakristu mbagenev yô, tsua ér vea zaan sha ajiir a sha Intanet a lamen shi tindin ior a ilyoho her la ga. Mbakristu mbagen yô, mba ze sha ajiir ne sha er vea lamen shi vea tindin tsombor ve man azende a ve a ilyoho yô. Nahan kpa, Diabolo soo ér se eren tom a ajiir a sha Intanet a lamen shi tindin ior a ilyoho her la sha kwaghfan ga, sha er se vihi iti yase kua mlu wase u ken jijingi la yô. Se fatyô u eren tom a akaawan a ken Mkaanem ma Aôndo, nahan fan akaabo a a lu ker la shi palegh a, er Yesu nahan.—Lu 4:4, 8, 12.

MBAMZEYOL MBA I GBE U SE PALEGH YÔ:

  • U zan sha Intanet karen ikyaa inya. Aluer se mba vihin shighe kpishi sha ajiir a sha Intanet a lamen shi tindin ior a ilyoho her la yô, kwagh ne una na se lu a shighe u injaa u i gbe u se tôô u eren akaa a ken jijingi la ga

  • Akaawan a Bibilo: Ef 5:15, 16; Fil 1: 10
  • U nengen akaabo. Aluer or ngu nengen ufoto mba kenden nan a isharen yô, vea na ufoto mba ijimbagh mba nengen vea ya tor ken a nan shin nana hingir u eren idya. Aluer or ngu ôron ityakerada i mbavendan mimi shin zan sha ijiir ve i sha Intanet la yô, kwagh ne una fatyô u vihin jighjigh u nan

  • Akaawan a Bibilo: Mt 5:28; Fil 4:8
  • U ngeren akaa shin veren ufoto mba doon ga. Er ishima i we atseregh yô, alaghga kwagh ne una mgbegha or u ngeren akaa shin veren ufoto mba doon ga, sha ma ijiir i sha Intanet i lamen shi tindin ior a ilyoho her la. Nahan kpa, kwagh ne una fatyô u vihin or iti shin nan nan gbev mbu nôngon ken jijingi

Akaawan a Bibilo: Ro 14:13; Ef 4:29

NENGE VIDIO I EREN AKAA SHA AJIIR A SHA INTANET A LAMEN SHI TINDIN IOR A ILYOHO HER LA SHA KWAGHFAN LA, MAA HIDE TIME SHA IGBENDA I U FATYÔ U PALEGH AKAA A I TESE SHIN HEEN NE YÔ: