Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Uma Wase u Mbakristu man Tom Wase–Antakerada u Mkombo  |  Jun 2017

 LU A IEREN I ORKRISTU

Ú Na Uityendezwa mba Yehova Jighjigh Taveraa Kpa?

Ú Na Uityendezwa mba Yehova Jighjigh Taveraa Kpa?

Yosua man Solomon yange ve er shiada ér kwagh môm ken akaa a Yehova Aôndo tôndo zwa u eren la cii mô bunde ga. (Yos 23:14; 1Ut 8:56) Shiada u iorov uhar mban ne seer nan se vangertiôr u maan jighjigh wase.—2Kor 13:1; Ti 1:2.

Yehova yange kure uityendezwa nav sha ayange a Yosua la nena? Nenge iniumbe i ‘Ma Kwagh Môm Bunde Ga’ la vea tsombor wou. Maa na mlumun sha mbampin mban: (1) U fatyô u dondon ikyav i dedoo i jighjigh u nan u Rahabi la nena? (Heb 11:31; Yak 2:24-26) (2) Kwagh u Akan la tese ér isholibo i eren sha apera ka i hungwa a or nena? (3) Er ior Mbagibeon lu mba fan ityav nahan kpa, lu nyi i na ve ve tsugh Yosua sha er vea ker bem a Iserael? (4) Kwaghôron u Yehova yange kure shami vough shighe u ator a Mbaamor ataan zua sha u tan num sha Iserael la nena? (Yos 10:5-14) (5) Er u ver Tartor u Aôndo hiihii kua perapera na ken uma wou ne, Yehova wase u nena?—Mt 6:33.

Aluer se mba gbidyen kwar sha akaa a Yehova a er, kua a a lu eren man a una va er la yô, jighjigh u se ne uityendezwa nav la una seer taver.—Ro 8:31, 32.

U ngu a jighjigh u nan er Yosua nahan kpa?