Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Uma Wase u Mbakristu man Tom Wase–Antakerada u Mkombo  |  Jun 2017

 LU A IEREN I ORKRISTU

Zua a Msaanyol sha u Pasen Loho u Dedoo

Zua a Msaanyol sha u Pasen Loho u Dedoo

Er i lu nahan taver we u pasen kwagh vee? Se kpishi se na ikyar sha mpin la ser, een. Sha ci u nyi? Alaghga ashighe kpishi ior ka ve soo u keghen ato a vese ga shin alaghga ior mba hen haregh wase la ka ve lu tswam tswam shin ka i cier se iyol u lamen a ior mba se fe ve ga yô. Sha mimi yô, akaa ne aa na a kera saan se iyol ga. Nahan kpa, se mba civir “Aôndo u sar sar” u a soo ér se civir un a iember yô. (1Ti 1:11, NW; Ps 100:2) Ka atôakaa atar a dedoo a nyi aa na a saan se iyol u pasen kwagha?

Hiihii yô, se mba pasen loho u nan ior ishimaverenkeghen. Er ior ve kera lu a ishimaverenkeghen nyian ga nahan kpa, se fatyô u ivin asema a ve a “loho u dedoo.” (Yes 52:7) Loho u dedoo u Tartor ne shi ua fatyô u nan se iember. Cii man u due kwaghpasen yô, gbidye kwar sha averen a Tartor u Aôndo ua va a mi shin tar la.

Kwagh u sha uhar yô, loho u dedoo u se pasen ne ka u wase ior sha iyol kua ken jijingi. Ka ve hen u den aeren a ve a bo la, geman lun a ishimaverenkeghen i va lun uma gbem sha won. (Yes 48:17, 18; Ro 1:16) Se fatyô u tôôn tom wase ne ser ka tom u keren ior mba se yima ve yô. Er mbagenev ve soo ér i yima ve ga nahan kpa, se za hemen u keren mba vea soo ér i yima ve yô.—Mt 10:11-14.

Kwagh u sha utar man u hemban cii yô, kwaghpasen wase ve Yehova a icivir. Tom wase u eren shiada ne gba un kwagh kpen kpen. (Yes 43:10; Heb 6:10) Kwagh ugen yô, Yehova ne se icighan jijingi na sha er se fatyô u eren tom ne yô. Sha nahan yô, sôn Yehova a wase u, u zuan a msaanyol u a lu vegher u ityamegh ki jijingi la. (Ga 5:22) Sha iwasen i Yehova yô, se fatyô u hemban ishimanyian yase la, nahan pasen kwagh gbar gbar. (Aer 4:31) Aluer ior mba hen haregh wase kegh ato shin ve kegh ato ga kpa, a saan se iyol ken tom wase u pasen kwagh la.—Esek 3:3.

Ka wea pasen kwagh nahan, ka u lu sha ishigh tsum tsum shin ka i saan we iyolo? U tese wer saan we iyol nena?

NENGE VIDEO I HIDE ZUA A MSAANYOL SHA U HENEN KWAGH SHI GBIDYEN KWAR LA, MAA NA NEN MLUMUN SHA MBAMPIN MBA VE DONDO NE:

  • Aluer se mba pasen kwagh ahwa kpishi hanma uwer je kpa, er nan ve i gbe hange hange u se yaan kwaghyan u ken jijingi kpoghuloo?

  • Ka sha gbenda u nyi nahan se fatyô u dondon ikyav i Mary la?

  • Ka hanma shighe nahan ka u gbidye kwar sha Mkaanem ma Aôndo?

  • Ka wea pasen loho u dedoo nahan, ka nyi ka i na i saan we iyolo?