Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 AKAAINJAA A KEN MKAANEM MA AÔNDO | PASALMI 34-37

Suur sha Yehova, Eren Akaa a Dedoo

Suur sha Yehova, Eren Akaa a Dedoo

“De tem kwagh u mbaerenafer . . . ga”

37:1, 2

  • Mayange de deen wer mzehemen u mbaaferev u sha anshighe kpuaa la a dan u u civir Yehova ga. Ver ishima sha averen kua akaa a ken jijingi a u er yô

‘Suur sha Yehova, eren akaa a dedoo’

37:3

  • Lu a vangertiôr wer Yehova una sue u shighe u u lu a akperan shin ishima i lu nyian we cii. Una wase u u za hemen u tilen sha mimi

  • Eren tom u pasen loho u dedoo u Tartor u Aôndo la kpoghuloo

‘I̱ saan we iyol ken Yehova’

37:4

  • Ver shighe, ôron Mkaanem ma Aôndo shi gbidyen kwar sha mi, sha er u seer fan kwagh u Yehova yô

‘Wa Yehova gbenda wou sha ikyev’

37:5, 6

  • Suur sha Yehova vangertiôr wer una wase u nôngon a hanma mzeyol cii

  • Shighe u u tagher a ahendan shin i lu tôvon we a ican shin i ôr akaa sha a we aa lu vough ga je kpa, za hemen u tesen ieren i dedoo

‘Tema gir gir sha ishigh ki Yehova, ver ashe sha a Na sha ishima i wan’

37:7-9

  • Palegh u gban nuren eren kwagh gagher, a u henen sha mi shio la, ieren la ia fatyô u nan a kera saan we iyol ga shin vihin mlu wou a Yehova la

“Mbaasemaleghlegh yô, vea ya dyako u tar”

37:10, 11

  • Ker ishima i legh legh shi ver ashe sha Yehova, keghen shighe u una va bee a ifer i u tagher a mi la

  • Suen mba u civir Yehova a ve imôngo la, surun mba asema a yen ve la ishima sha u ôron ve kwagh u ityendezwa i Aôndo a er u van a tar u he, u ica a gba ga tsô ua va la

Tartor u Mesiya na se va zua a averen kpishi