Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 LU A IEREN I ORKRISTU

U Za Vande Himen a Anngôu Nena?

U Za Vande Himen a Anngôu Nena?

Tôô ase wer u ngu ken Galilia sha shighe u Yesu la. U er zende u yem ken Yerusalem u za eren Iniongo i Atumbe. Gar la iv a ior mba ne civir Aôndo imôngo, mba ve mough sha ajiir a icaa ve ve yô. U soo u nan Yehova naagh. Nahan, u kôr anivo, u er zende, u kar sha an-igbendav mba ve iv a ior sha mi poo la zan zan u ver ishigh u yemen ken tempel. U za nyer yô, tempel iv a ior mbagen mba ve kpa ve soo u nan naagh yô. Maa, shighe kuma u u na pristi anivo wou. Hen shighe la, u umbur wer kwagh zua anngôu a we u alaghga un kpa a lu ken atô u ikpelaior shin ken gar la yô. Yesu pase kwagh u i gbe u u er yô. (Ôr Mateu 5:24.) We man anngôu u kwagh a zough ne la, ne ker bem, er Yesu a tese la nena? Nenge ngeren u a lu shin heen avegher ahar ne, maa ver ikyav sha ieren i u nenge wer i doo la, ken hanma vegher cii.

GBA U U . . .

  • lam a anngôu aluer u hen wer ngu a ityokyaa i injaa i i ne ve ishima i vihi un a we yô

  • nôngo u wase anngôu una gema mhen na la, aluer u nenge wer ishima vihi un kar ikyaa inya shin un kpa ngu a ibo sha ikyaa la yô

  • kegh ato a anngôu zulee, er a lu pasen er ishima i lu un ker la, shi aluer u kav kwagh u a lu ôron la tsembelee ga je kpa, zamber un sha ishima i i vihi un ker la, shin sha akaa a a dugh ken ieren you, kpa yange u ver ishima wer kwagh a lu nahan ga la

GBA U ANNGÔU UNA . . .

  • nôngo ér mbagenev ken tiônnongo ve ta ikyaa a na sha u ôron ve er u hii un yô

  • lam a we sha ishimavihin shi una pase u ibo you vindi vindi shi una kighir we ér u lumun ibo

  • wuese we er u hidi a iyol ijime shi u taver ishima u va lam a na yô, shi una de u a kwaghbo la a ishima i môm

Er nyian se kera civir Aôndo se ne iniaav sha uzendenya ga nahan kpa, Yesu lu tesen nyi sha kwagh u keren bem a anngô wase man u civir Aôndo sha gbenda u a lumun a mi laa?