Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 LU A IEREN I ORKRISTU

Ian i Se Lu a Mi i Maan shi Nengen sha Ajiir a Civir Aôndo La

Ian i Se Lu a Mi i Maan shi Nengen sha Ajiir a Civir Aôndo La

Shighe u i lu maan tempel u Yehova la, yange gba u a er tom kpoghuloo shi a vihi inyaregh kpishi. Nahan kpa, Mbaiserael sue tom ne sha gbashima. (1Kr 29:2-9; 2Kr 6:7, 8) Shighe u i maa tempel i bee kera la, lu u gbenda u Mbaiserael vea nengen sha mi la ua tese ér kwagh u ken jijingi gba ve ishima shin a gba ve ga. (2Ut 22:3-6; 2Kr 28:24; 29:3) Nyian kpa, anmgbianev ka ve na shighe kpishi shi ka ve nôngo kwagh kpoghuloo sha u maan shi esen Ayou a Tartor man Ayou a Mkohol kua u sôron a kpaa. Nahan kpa, u eren Yehova tom sha imba gbenda ne la ka ian i civirigh shi ka vegher u mcivir wase kpaa.—Ps 127:1; Mp 7:15.

SE FATYÔ U WASEN U . . .

  • Esen Iyou i Tartor hanma shighe u i dugh mkombo yô. Aluer mlu wou na u ian ga yô, sange ihyôghonov ape u tem la tseegh.

  • Kiren shi sôron Iyou i Tartor hanma kwa u i gbe u ne er nahan cii. Ior ka vea eren tom ne kpishi yô, i maa ve iyol shi tom la u kera yuhwa ga.—lv 92-93 ¶18.

  • Suen tom u nengen sha Iyou i Tartor la sha inyar. Iyua i “idyeri ihiar” tseegh kpa, aluer or na a ishima i môm yô, a doo Yehova.—Mr 12:41-44.

  • Aluer mlu wou na u ian yô, na iyol you sha u maan shi hiden sôron ajiir a mcivir. Gba u u fa tom u maan kwagh keng ve u fatyô u eren tom ne ga.