Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 LU A IEREN I ORKRISTU

“Civir Teru man Ngôu”

“Civir Teru man Ngôu”

Shighe u Yesu lu shin tar ne la, a pase tindi ne var var, ér: “Civir teru man ngôu.” (Ek 20:12; Mt 15:4) Yesu lu a ian i ôron gbar gbar nahan, sha ci u “ungwan imo” i mbamaren nav shighe u lu gumor la. (Lu 2:51) Shighe u gande or kera la, nenge ér un wa ngô na sha ikyev i orgen u nana nenge sha a na, shighe u un Yesu una kpe kera la.—Yoh 19:26, 27.

Hen shighe wase ne kpa, Mbakristu mba ve lu agumaior, mba ve ongo imo i mbamaren vev shi ve lamen a ve sha icivir la, mba nan mbamaren vev icivir. Jighilii yô, i ver shighe u se kura tindi u civir teru man ngôu la a za kighir ga. Shighe u mbamaren asev ve bee iyol la je kpa, gba u se za hemen u nan ve icivir her sha u keren kwaghfan hen a ve. (Anz 23:22) Shi ka se na mbamaren asev mba ve bee iyol la icivir sha u nengen sha akaa a a lu zan ve iyol la, shi nan ve inyaregh ki kuren mbamgbe vev. (1Ti 5:8) Sea lu agumaior shin sea bee iyol kpa, gbenda u vesen u se tese ser se mba nan mbamaren asev icivir yô, ka u zan hemen u lamen a ve doo doo.

NENGE VIDIO I UKATUN MBA I LU KPERAN AVE YÔ LA, I I LU A ITINEKWAGH ÉR, ME ER NAN VE ME LAM A MBAMAREN AVA? LA, MAA NA MLUMUN SHA MBAMPIN MBAN:

  • Alaghga a taver we u lamen a mbamaren ou sha ci u nyi?

  • U fatyô u nan mbamaren ou icivir shighe u u lu lamen a ve la nena?

  • Aluer se nôngo se mba lamen a mbamaren asev yô, iniôngon yase la ia saa gbilin ga sha ci u nyi? (Anz 15:22)

    Aluer u ngu lamen a mbamaren ou yô, kwagh ne una wase u u za ikyura ken uma