Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Uma Wase u Mbakristu man Tom Wase–Antakerada u Mkombo  |  Desemba 2017

 LU A IEREN I ORKRISTU

Er Se Seer Fan Igbenda i Pasen Kwagh Yô​—⁠U Lamen a Hanma Or Hen Haregh Wase

Er Se Seer Fan Igbenda i Pasen Kwagh Yô​—⁠U Lamen a Hanma Or Hen Haregh Wase

ER I HII VE I LU HANGE HANGE YÔ: Sekaria yange tsengaôron ér ior mba ken akuraior a hanma zwa cii vea ngohol loho u dedoo la. (Sek 8:23) Kpa ka unô vea tese ve? (Ro 10:​13-15) Se mba a tom man ian i civirigh i pasen hanma or loho u dedoo la hen haregh wase.​—od 84 ¶10-11.

ER SE ER KWAGH NE YÔ:

  • Wa agoyol. Ka u zua a ior mba ve lamen zwa ugen yôô? U fatyô u eren tom a JW Language app sha er u lam a or sha gbenda u taver ga yô. Gayô u fatyô u tesen or ijiir yase i jw.org la sha hanseeti wou, er nana za seer ôron ityakerada ken zwa u nan yô

  • Lu tsevaa. Aluer u ngu zenden sha uya uya yô, de den wer ian i kar u u pasen mba karen gbenda shin mba ve nyer mato ve lu keghen shighe u una mough la kwagh ga. Aluer u ngu pasen kwagh ken igbar yô, wa iyol sha tom wou u pasen kwagh la

  • Er tom kpoghuloo. Nôngon sha er u lam a mba yange u za hen ya ve kwa hiihii ve, u kohol ve her ga la yô. Nôngo sha er u zua a or hen hanma ya yô, alaghga a lu sha shighe ugen sha iyange shon shin sha iyange igen ken lahadi shon. Alaghga a gba u u lam a mbayaav mbagen ken washika shin sha telefon gayô u pase ve kwagh sha godobi

  • Hide za sôr nan. De timbir u hiden za sôron mba ve tese isharen la ga. Aluer or shon nan lamen zwa ugen yô, nôngo zua a or u nana fatyô u lamen a nan ken zwa u nan yô. Sôron nan her zan zan u kar zuan a orpasenkwagh u nan lamen zwa u or shon yô.​—od 94 ¶39-40

NENGE VIDIO I U PASEN KWAGH AREN SHA “IKIGHIR I TAR” LA, MAA NA NEN MLUMUN SHA MBAMPIN MBA VE DONDO MBAN:

  • Anmgbianev mba nomso man mba kasev yange ve wa agoyol u za lamen a ior mba sha ajiir a icaa nena? (1Kor 9:​22, 23)

  • Ka mbamtaver mba nyi nahan, yange gba u vea hembaa?

  • Ka averen a nyi ve zua a mini?

  • Ka nyi u fatyô u eren sha er u seer zuan a ior hen haregh wouwe?