Ka unô i gbe u a ngohol ve sar sar? Hanma or u nan ve mbamkombo asev Mbakristu cii, mbahev kua mba yange ve vaan kpa ve de la. (Ro 15:7; Heb 13:2) A fatyô u lun or u se civir Yehova imôngo u ken tar ugen nan mough nan ve zende, gayô Orkristu u nan hôr tom, nan kera ve mkombo ga anyom a kar imôngo yô. Aluer ka we man i ngohol we saan saan nahan, a lu u ken ishima nena? A doo u gaa? (Mt 7:12) Sha nahan yô, nenge ase i doo u cii man i hii mkombo yô, u nôngo u zende u sugh ior ken Iyou i Tartor shi shighe u i dugh la kpa u er nahan yô. Kwagh ne una na yô, a saan hanma or iyol shi a lu her yar yar shi kwagh ne una va Yehova a icivir. (Mt 5:16) Nahan cii kpa, jighilii yô, alaghga ka hanma or u nan ve mkombo cii u fatyô lamen a nan ga. Nahan je kpa, aluer se nôngo er se fetyô la cii yô, hanma or a saan nan iyol sha ci u i ngohol nan sar sar. *

Gba u se eren a ior dedoo sha hanma shighe cii, a lu sha mbamkombo asev mba vesen er Mkombo u Umbur Ku u Yesu la nahan tseegh ga. Ior mbahev ka vea va mbakombo asev man vea nenge er se Mbakristu se doo ayol ase shi ve ayol ve kpa a tese ve dooshima nahan yô, kwagh la a fatyô u mgbeghan ve u wuese Aôndo shi va kohol se ken mcivir u wang ne.—Yoh 13:35.

^ par. 3 Bibilo ver ikighir i i gbe u se er kwagh a mba i dugh ve ken tiônnongo shin ve undu tiônnongo a ishima ve mba alaghga vea va mbamkombo la yô.—1Kor 5:11; 2Yoh 10.