Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Uma Wase u Mbakristu man Tom Wase–Antakerada u Mkombo  |  Aipor 2017

 LU A IEREN I ORKRISTU

U Fatyô U Taver Orkristu u Nan Hôr Tom yô Ishima

U Fatyô U Taver Orkristu u Nan Hôr Tom yô Ishima

Sha iyange i Tomahar, Aipor 11 la, Mbakristu mba ve hôr tom kpishi vea va mkombo u Umbur Ku u Yesu la. Yange ve hii u gban ayem a uma ne, kpa akaa agen va na yô, kera mba gban ayem ne ga; er akaa agen a i tim sha mi ken antakerada u Hide hen Yehova la nahan. (Heb 12:1) Nahan cii kpa, Mbakristu mba ve hôr tom la ve gba Yehova kwagh her, un u a yam ve sha awambe a Wan na la. (Aer 20:28; 1Pe 1:18, 19) Se er nan ve se wase ve, vea hide ken tiônnongo?

Mbatamen mba ken tiônnongo ka ve nôngo sha er vea zua a Mbakristu mba ve hôr tom mban shi vea wase ve yô, vough ér orkuranilev ka nan tôô shighe nan ker iyôngo i i tsum i undu ikyumile nahan. (Lu 15:4-7) Kwagh ne tese ikyo i wan i Yehova la. (Yer 23:3, 4) Se cii se fatyô u taver mba ve hôr tom la ishima, ka mbatamen tseegh ga. Ka sea nôngo a er kwagh a ve kundu kundu shi sea tese ser kwagh ve gba se ishima yô, kwagh la a doo Yehova kpen kpen shi kwagh u dedoo una fatyô u duen ken ieren yase la. (Anz 19:17; Aer 20:35) Nahan yô, gbidye kwar nenge or u ú fatyô u taver nan ishima yô, shi er kwagh ne fefa, de we a wa ahô ga!

NENGE VIDIO I TAVER MBA VE HÔR TOM YÔ, ASEMA LA, NAHAN NA MLUMUN SHA MBAMPIN MBA VE DONDO MBAN:

  • Ka nyi Abbey yange er shighe u zua a Orshiada u Abbey vande fan un ga laa?

  • Er nan i doo u se za lam a mbatamen shighe u se lu wan ishima u wasen or u nan hôr tom yôô?

  • Abbey yange wa agoyol u hiden za sôron Laura sha kwa har la nena?

  • Abbey yange gba uwer ga, shi tese ishimawan man dooshima shighe u lu nôngon u taver Laura ishima la nena?

  • Ka nyi se fatyô u henen ken injakwagh i Yesu i ken Luka 15:8-10 laa?

  • Er yange anmgbianev nôngo sha u vea wase Laura yô, kwagh la gema va averen a nyi?