Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 LU A IEREN I ORKRISTU

Ityom i Dedoo i A Hungur a Mi Ga Yô

Ityom i Dedoo i A Hungur a Mi Ga Yô

Mbacivir Yehova cii vea fatyô u eren akaa sha ci u Yehova a a hungur a mi mayange ga yô. Er ormaren u ônov mba nan ve doo nan ishima shi mayange nana hungur a akaa a dedoo a ve er la ga nahan, kape Yehova kpa a hungur a tom wase man dooshima u se tesen sha ci u iti na ga je la. (Mt 6:20; Heb 6:10) Ka mimi, mfe man mbamlu asev kaha. Nahan kpa, aluer se er kwagh u se fetyô la cii ken mcivir u Yehova yô, se fatyô u tan ihyagh. (Ga 6:4; Kol 3:23) Ken anyom a karen ne, anmgbianev mba nomso man mba kasev udubu imôngo er tom shin Betel. U fatyô u nan iyol you u za eren tom shin Betel jee? Wea fatyô ga kpa, u fatyô u taver anmgbian ugen ishima wer nana er nahan shin u fatyô u wasen anmgbian u nan lu eren tom shin Betel wer nana za hemen u eren tom u icivirigh ne je he?

NENGEN VIDIO I NA IYOL YOU U ZA EREN TOM SHIN BETEL LA, MAA NA MLUMUN SHA MBAMPIN MBA VE DONDO NE:

  • Ka nyi i gbe u ia mgbegha se u za u eren tom shin Betel?

  • Ka akaa a nyi mbagenev ve ôr sha kwagh u averen a ve zough a mi sha u za eren tom shin Betel?

  • Ka akaa a nyi nga a na ve or kuma u za eren tom shin Betel?

  • U fatyô u ngeren apelekeshen u za eren tom shin Betel nena?