Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 LU A IEREN I ORKRISTU

Umbur Kwagh u Kwase u Loti La

Umbur Kwagh u Kwase u Loti La

Kwase u Loti yange gema ashe ken ijime, shighe u lu yevese duen ken gar u Sodom la sha ci u nyi? Bibilo ôr se ga. (Ge 19:17, 26) Kwagh u Yesu lu ôron van ve va ta icin ne la tese ér, alaghga lu akaa a kwase ne undu ken ijime la, ishima lu un sha mi ye. (Lu 17:31, 32) Se palegh u eren kwagh er kwase u Loti nahan, sha er Aôndo una venda se ga nena? Gba u se de ser u keren uyôughyôughmbaakaav sha er se nôngo se lu ken mkpeyol la, a lu kwagh u hiihii ken uma wase ga. (Mt 6:33) Yesu yange kaa ér se “fatyô u eren Aôndo tom kua inyaregh kpaa ga.” (Mt 6:24) Nahan kpa, aluer se va kav ser uyôughyôughmbaakaav mba yan se shighe u eren akaa a ken jijingi ken uma wase di ye? A gba u se sôn Yehova a na se mkav u una wase se u fan akaa a i gbe u se nyôôso la, shi a na se ishimataver man agee a eren nahan.

HIDE NENGE VIDIO I LUN A AVEGHER KER ATAR, I I LU A ITINEKWAGH ÉR UMBUR KWAGH U KWASE U LOTI LA, MAA NA MLUMUN SHA MBAMPIN MBA VE DONDO NE:

  • Me tese sha ieren yam mer, m ngu “umbur kwagh u kwase u Loti la” nena?

    Yange i zer zan Gloria iyol ér a seer keren inyaregh nahan, kwagh la bende a mhen na man kwaghôron na kua ieren na nena?

  • Kwagh u kwase u Loti la ka icintan hen a vese nyian nena?

  • Joe man tsombor na yange ve dondo akaawan a ken Bibilo nahan, kwagh la wase ve nena?

  • Azende a Anna lu a mi hen ijiirtom la yange bende a mlu na u ken jijingi la nena?

  • Aluer mba zan se iyol ér se ver inyaregh ki keren hiihii ken uma wase yô, gba u se taver ishima sha ci u nyi?

  • Yange Brian man kwase na Gloria hide ver akaa a ken jijingi hiihii nena?

  • Ka akaawan a Bibilo a nyi u nenge a mi, er i tese ken vidio ne laa?