Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 LU A IEREN I ORKRISTU

Ka Hanma Shighe shi Me Er Ishuen Pania?

Ka Hanma Shighe shi Me Er Ishuen Pania?

Mpase u sha mnenge u i tese Esekiel sha kwagh u tempel la tese ér ior mba Yehova vea na ayol a ve sha asema a ve u eren Yehova tom. Se er nan ve se asange asange se na iniaav mbi iwuese?—Heb 13:15, 16.

Gbenda môm u doon tsung yô, ka u eren ishuen pania. Ken inyom i tom i 2018 ne, se mba a iwer kpishi i i lu a Sati utaan, Lahadi kpa utaan yô. Kwagh ne una wase mba ve eren tom u uke hanma shighe, nahan ve hembe pasen kwagh sha iyange i Sati man Lahadi tseegh la. Shi kwagh ugen yô, mbapasenkwagh vea fatyô u nan ahwa 30 shin 50 ken uwer u Maaci man Aipor kua shighe u ortamen u sôron atôônanongo a ve tiônnongo inya yô.

Nahan kpa, aluer se mba sha ian i se fatyô u eren ishuen pania ga di ye? Se fatyô u nôngon seer fan kwaghpasen shi alaghga je yô, seer shighe u se pasen kwagh la kpaa. Aluer mlu wase ngu nan nan je kpa, er Yehova a doo se ishima yô, dooshima la a mgbegha se u seer eren un tom ken inyom i tom i 2018 ne! —Ho 14:2.

Me fatyô u dondon ikyav i Sabina Hernández la sha u lun a gbashima er un nahan nena?

NENGE VIDIO I SHA IWASEN I YEHOVA YÔ, ME FATYÔ U EREN HANMA KWAGH CII LA, MAA NA MLUMUN SHA MBAMPIN MBA VE DONDO MBAN:

  • Lu nyi i mgbegha Sabina u seer eren Yehova tomo?

  • Ikyav i Sabina la taver we ishima nena?

  • Ka hanma iwer shin uwer u ken inyom i tom i 2018 ne u soo u eren ishuen pania?