Aver yem sha atineakaa

Aver yem sha mver u atineakaa

 Vegher 2

Ka An Nan Lu Aôndo u Mimi?

Ka An Nan Lu Aôndo u Mimi?

Aôndo u mimi ngu môm tseegh. Iti na ér Yehova. (Ekesodu 6:3) Un ka Jijingi; se fatyô u nengen a na ga. Se doo un ishima, nahan un kpa a soo ér se soo un. Shi a soo ér ior mbagenev kpa ve doo se ishima. (Mateu 22:35-40) Un ka Aôndo Uhembancii, u a gbe akaa cii la.

Or u Aôndo hii gban ken akaa a a gbe la lu or u ageegh u ken jijingi, u i va hingir u yilan un ér Yesu Kristu la. Shi Yehova gba mbatyomov kpaa.

Yehova gba hanma kwagh u a lu sha . . .  man u a lu shin tar cii. Mpase 4:11

Yehova Aôndo gba asan kua tar man hanma kwagh u a lu shin u cii.—Genese 1:1.

A er Adam, or u hiihii la, sha vuulevu.—Genese 2:7.