Aver yem sha atineakaa

Aver yem sha mver u atineakaa

 ITYOUGH 12

Anmgbian u Paulu Yange Taver Ishima

Anmgbian u Paulu Yange Taver Ishima

De se fa kwagh u wanyenomso ugen u yange war anmgbian u ngô na yô. Anmgbian u ngô na la lu apostoli Paulu. Se fa iti i wanyenomso la ga, kpa se fa ser yange er kwagh ugen sha ishimataver kpishi. U soo u fan kwagh u wan shon yange er yôô?—

Yange i wuhe Paulu ken purusu, ken gar u Yerusalem, ér ngu pasen ior kwagh u Yesu yum. Mbaaferev mbagenev yange ve kôr Paulu ihyom, nahan ve er mhen u bo sha a na. Mbaaferev mbara kaa ér: ‘De se kaa torshoja la a tindi ushoja nav ve va a Paulu ken koti. Nahan se za yer hen kpegbenda, vea va karen a Paulu yô, se wua un!’

Anmgbian u Paulu pase Paulu man torshoja mhen u bo u i er sha Paulu la

Anmgbian u Paulu ungwa mhen u bo u i er sha Paulu la. Nahan una er nena? Yange za ape Paulu lu ken purusu la, za ôr Paulu. Paulu maa kaa a na ér, a za pase torshoja la mhen u bo la. U hen wer yange cier anmgbian u Paulu la iyol u zan hen torshoja la za lamen a na shin yange cier un iyol ga?— Yange cier un iyol, sha ci u torshoja la lu orvesen u wanye nana cia u zan ikyua a na yô. Kpa anmgbian u Paulu la taver ishima, za lam a torshoja la.

Torshoja la yange fa kwagh u una er sha kwagh la yô. Yange tindi ushoja 500 ér ve za kura Paulu! A kaa a ve ér ve yem a Paulu ken Sesaria hen tugh mbura je. Paulu yange war kpa?— Een, mbaaferev mbara fatyô u eren un kwagh ga! Mhen ve u bo la saa ve ishe.

Ka nyi u fatyô u henen sha kwagh ne?— We kpa u fatyô u taver ishima er anmgbian u Paulu la nahan. Gba u se taver ishima shighe u se lu ôron ior kwagh u Yehova yô. U taver ishima shi u za hemen u ôron ior kwagh u Yehova kpa?— U er nahan yô, u fatyô u waren orgen.

ÔR KEN BIBILO YOU

  • Aerenakaa 23:12-24

  • Mateu 24:14; 28:18-20

  • 1 Timoteu 4:16