Aver yem sha atineakaa

Aver yem sha mver u atineakaa

 KWAGHHENEN U SHA 8

Tesen Ikyav sha Akaa a Ior Vea Hen Kwagh Ker Yô

Tesen Ikyav sha Akaa a Ior Vea Hen Kwagh Ker Yô

Mateu 13:34, 35

NGEREN U SAVEN: Seer fan ityesen sha u tesen ikyav sha akaa a a taver u kaven ga la, sha er ityesen you ia doo mba u lu lamen a ve la shi vea zua a akaainjaa ker yô.

ER U ER KWAGH NE YÔ:

  • Tese akav a a taver u kaven ga yô. Ôr akaa a kiriki u pasen akaa a vesen, shi ôr akaa a a taver u kaven ga la u pasen akaa a a taver u kaven la, er Yesu kpa eren nahan. De seer akaa a kiriki a a na ikyav you la ia taver u kaven ga. Akaa a u ter ken ikyav you la a zua sha kwagh u u lu tesen la, sha er kwagh ne una tsume mba u lu lamen a ve la ga yô.

  • Gbidye kwar fa kwagh u una lu mba u lu lamen a ve la a inja yô. Tese ikyav sha akaa a ior mba u lu lamen a ve la ve eren shi a gbe ve kwagh la. Wa ikyo sha er akaa a u lu tesen ikyav sha mi la, aa na ishima ia vihi mba u lu lamen a ve la ga yô.

  • Tese kwagh u a lu hange hange la. Ver ishima tese ikyav sha atôakaa a vesen la tseegh, i de lu a kiriki ga. Fa wer or u ú lu lamen a nan la nana umbur a lu ikyav i u tese la tseegh ga, kpa shi nana umbur kwagh u u ôr ve u va tese ikyav shon la kpaa.