Aver yem sha atineakaa

Aver yem sha mver u atineakaa

 KWAGHHENEN U SHA 7

Ôr Kwagh u Vough man u Kuman ken Ato

Ôr Kwagh u Vough man u Kuman ken Ato

Luka 1:3

NGEREN U SAVEN: Er tom a ngeren shin akaa agen a mimi sha er u wase mba u lu lamen a ve la u kuren ikyaa sha gbenda u vough yô.

ER U ER KWAGH NE YÔ:

  • Ker ngeren shin akaa a mimi er tom a mi. Akaaôron a ou a har sha Mkaanem ma Aôndo. Er kwagh ne sha u ôron ma jighilii shighe u i gbe sha mi yô. Aluer u soo u ôron kwagh teren kwagh u sainsi shin kwagh u ken ipipaabaver shin ôron kwagh u a vande eren, gayô ôron kwagh u a sue kwaghôron wou yô, vande nengen ngeren shon tsuaa sha er u fa aluer ngu vough shi a ya tsegh ga yô.

  • Er tom a ngeren mba u lu ôron kwagh teren ve la sha inja. Ta iwanger sha ivur Bibilo i u er la i zua sha avur a a kase i la, man sha loho u Bibilo jimin cii, kua sha akaa a i pase ken ityakerada i “wanakiriki u jighjigh man u fan kwagh” la. (Mat. 24:45) Er tom a ityakerada i i har sha Bibilo ga la sha gbenda u vough sha er u gema loho shin awashima u or u nan nger i la ga yô.

  • Time sha ma ikyav vea mba u lu lamen a ve la. U ôron ivur Bibilo shin u ôron kwagh u teren ma ngeren u been kera yô, pine mbampin sha kwaghfan gayô tese ikyav i kwagh u u lu ôron la, sha er u wase mba u lu lamen a ve la u kuren ikyaa iyol ve yô.