Aver yem sha atineakaa

Aver yem sha mver u atineakaa

 KWAGHHENEN U SHA 2

Lamen a Ior sha Mar Wou

Lamen a Ior sha Mar Wou

2 Mbakorinte 2:17

NGEREN U SAVEN: Lam sha mar wou man sha mimi, sha gbenda u tesen er i lu u ken ishima sha itinekwagh i u lu lamen sha mi la kua a ior mba u lu lamen a ve la yô.

ER U ER KWAGH NE YÔ:

  • Er msen shi ver ishima shighe u u lu wan agoyol la. Er msen sôn Aôndo a wase u sha er u ver ishima sha mciem ou ga, kpa a lu sha loho wou la yô. Fa akaa a vesen a i gbe u u za lam a ior sha mi la i kôr inya. Pase kwagh sha asember a ou; de gbe kimbir a kimbir asember vough vough er i nger shin inya nahan la ga.

  • Lam sha ishima i môm. Hen fa er i hii ve i gbe u mba u lu lamen a ve la, vea ungwa loho la yô. Ver ishima sha a ve, nahan gbenda u u til shin u tem shin u lu dughun ave shin u lu eren sha ishi la, u tese ér u ngu eren kwagh sha mimi man kundu kundu kua sha mhôôn.

  • Kenger sha mba u lu lamen a ve la. Za hemen u lamen kenger sha mba u lu lamen a ve la, aluer ka kwaghbo u eren nahan ga yô. Shighe u u lu nan kwaghôron yô, kenger sha or môm ken ior mba u lu lamen a ve la sha ashighe ashighe, aa u gban kenger sha ior kpuun la.