Aver yem sha atineakaa

Aver yem sha mver u atineakaa

 KWAGHHENEN U SHA 15

Ôr Kwagh Vangertiôr

Ôr Kwagh Vangertiôr

1 Mbatesalonika 1:5

NGEREN U SAVEN: Tese wer u na jighjigh wer kwagh u u lu ôron la ka u mimi shi ka u injaa kpaa.

ER U ER KWAGH NE YÔ:

  • Wa iyol sha kwaghôron wou tsembelee. Wa iyol sha kwaghôron wou la zan zan fa atôakaa a vesen la tsembelee man er Bibilo i tese wang ér ka a mimi la. Nôngo pase atôakaa a vesen a ken kwaghôron wou la sha asember a a taver u kaven ga yô. Hemba veren ishima sha gbenda u kwaghôron wou la una wase mba u lu lamen a ve la yô. Sôn Aôndo a na u icighan jijingi na.

  • Lam sha asember a a tese ér u ngu a vangertiôr yô. De kimbir a kimbir asember a i nger shin inya la ga, kpa ôr kwagh ken mkaanem ou. Lam sha gbenda u u tese ér u na jighjigh a kwagh u u lu ôron la yô.

  • Lam sha ishima you i môm man sha mimi. Lam ikyenge you i due hanma or nana ungwa. Lamen kenger ior sha ishi, aluer ka kwaghbo u eren nahan hen ijiir you ga yô.