Aver yem sha atineakaa

Aver yem sha mver u atineakaa

 Ityough ki sha 22

Ka Nyi Se Eren hen Ubranci Aseva?

Ka Nyi Se Eren hen Ubranci Aseva?

Tar u Solomon Islands

Tar u Kanada

Tar u South Africa

Anmgbianev mba ve lu tsombor u Betel la mba eren tom ken agbaatom kposo kposo, sha u nengen sha tom u pasen kwagh ken tar u ve lu her la, kua ityar igen je kpaa. Mbagenev ken ve ka mba geman ityakerada ken ijô igen, mbagen mba eren tom u gberen umagazin shin u wan ityakerada igbende, mbagenev di mba eren tom ken iyou i koson ityakerada shin hen ijiir i eren icer i nengen man i ungwan a ungwa, shin mba nengen sha ityom igen i í eren hen tar ve yô.

Kômatii u Nengen sha Branci la ngu ityough sha tom u Branci a eren la cii. Hanma branci wase yô, Mbahemenev Mba Shin Itine ka ve tsua kômatii u nengen sha tom u branci shon a eren la. Mba ka i tsua ve ve lu ken kômatii ne, ka i lu mbatamen mba ve kom yô, iorov utar shin i hemba nahan. Kômatii ne ka a ôron Mbahemenev Mba Shin Itine mzehemen u tom u pasen kwagh ken tar u a nengen sha tom u i eren her la, shi a ôron ve nyityô mzeyol u a dugh cii. Kwagh u ka ve ôr Mbahemenev Mba Shin Itine la ngu a wase mbahemenev mban u tsuan atineakaa a vea gber ityakerada sha mi, shi a time sha mi ken mbamkombo man sha mbamkohol yô. Mbahemenev Mba Shin Itine ka ve tindi mbatamen mba sôron branci sha ashighe ashighe, ve za sôr ubranci sha ityough vev, shi ve wa Ukômatii Mba Nengen sha Ubranci mba ve ser la kwagh er vea er ityom ve yô. (Anzaakaa 11:14) Shi ka i ver ian i ortamen u sôron branci la una ôr kwagh a mba ve lu hen haregh u branci la sha u taver ve asema yô.

Ka i na atôônanongo iwasen. Anmgbianev mbagenev mba ve eren tom hen ubranci asev la mba veren atôônanongo shi mba tsough mbatamen kua udiakon. Shi anmgbianev mban ka ve tese er upania man mbamishen man mbakuran mba ningir sha mba ve lu hen haregh u branci la vea er tom ve yô. Ka ve ver ayange a eren mbamkohol mba kiriki man mba vesen, shi ve nenge sha kwagh u maan Ayou a Tartor a he shi tindin atôônanongo a ityakerada i kwagh a gbe a a mi la kpaa. Hanma kwagh u i eren hen ubranci asev cii yô, ka a wase se u eren tom u pasen kwagh la sha inja sha inja.—1 Mbakorinte 14:33, 40.

  • Ukômatii mba nengen sha ubranci mba wasen Mbahemenev Mba Shin Itine nena?

  • Ka ityom i nyi nahan i eren hen ubranci aseva?