Aver yem sha atineakaa

Aver yem sha mver u atineakaa

Kwaghôron u sha 28: Er Yange I War Wanikundan Mose La

Kwaghôron u sha 28: Er Yange I War Wanikundan Mose La

NENGE wanikundan u a lu vaan, shi a ker ihôwe i iniunkwase ne. Ka Mose je ne. Ú fa iniunkwase i doonashe ne kpa? Ka wantor u Mbaigipiti, wan u Farao jim jim.

Wan u Farao u kwase nenge a Mose

Ngô u Mose yange yer wanikundan na zan zan a kuma iwer itiar, sha ci u yange soo er Mbaigipiti ve̱ wua un ga. Kpa yange fa je er alaghga á va zua a Mose, nahan ka kwagh u yange er sha u una wár un je ne.

A tôô ikese man a sôr í dedoo sha er mngerem maa nyôr shimi ga yô. Tsô á gbir Mose shimi, man a za ver ikese la ken awoo hen kpe Ifi u Nil. Yange i ôr anngô u Mose u kwase, Miriam, er a̱ tile ikyua mape sha er una nenge kwagh u una za hemen yô.

Ica gba ga tsô wan u Farao u kwase va shin Ifi u Nil u va ôôn iyol. Fese nahan a nenge a ikese la ken awoo. A yila môm ken ônkasev mbatomov nav: ‘Za tôô ikese la vam nen a mi.’ Er wantor la bughun ikese la yô, nenge a wanikundan u doonashe ne! Wanikundan Mose lu vaan, nahan mhôônom kôr wantor la a na. A soo er i̱ wua un ga.

Tsô Miriam man za va. Ú fatyô u nengen a na ken foto heen. Miriam pine wan u Farao u kwase la er: ‘M za yila môm ken kasev mba Mbaiserael sha u nana̱ va yeseu wan shon yôô?’

‘Za yila nan,’ kape wantor kaa la.

Nahan Miriam yevese za yila ngô na. Ngô u Mose ve hen wantor la yô, wantor kaa a na er: ‘Tôô wan ne za yese un sha ci wan, nahan me kimbiu.’

Nahan ngô u Mose koso wan na iyolna. Mose va vesen yô, á tôô un á za a na hen wan u Farao u kwase, un di ngohol un hingir wan na. Kape yange i hii ve Mose vese ken ya u Farao je la.

Ekesodu 2:1-10.



Mbampin

  • Wanikyundan u a lu ken foto heen ne ka ana, man ka an a ker nan ihôwe nee?
  • Ngô u Mose er nyi sha u una nôngo i̱ de woo wan na ga?
  • Wanyekwase u a lu ken foto heen ne ka ana, man kanyi kwagh yange ere?
  • Yange wan u Farao u kwase za nengen a wanikyundan la yô, Miriam va a mhen ér nyi?
  • Torkwase la yange kaa a ngô u Mose ér nyi?

Mbampin mbagenev

  • Ôr Ekesodu 2:1-10.

    Ka ian i nyi ngô u Mose zua a mi u tesen wan na Mose iyev je, man kwagh ne ver nyi ikyav i dedoo hen mbamaren nyiana? (Eks. 2:9, 10; Dut. 6:6-9; Anz. 22:6; Ef. 6:4; 2 Tim. 3:15)