Aver yem sha atineakaa

Aver yem sha mver u atineakaa

Vegher u sha 2: Mngerem Ma Deemee zan zan M-due u ken Igipiti

Vegher u sha 2: Mngerem Ma Deemee zan zan M-due u ken Igipiti

Ka iorov anigheni tseegh yange ve war Mngerem ma deemee mara ye, kpa shighe karen yô ve ngee ve hingir udubu imôngo. Tsô, er Mngerem ma deemee ma kar kera kuma er anyom 352 nahan yô, i mar Aberaham. Se hen ser Aôndo yange iv ityendezwa na sha u nan Aberaham wan u i yilan un iti er Isaka la. Tsô, ken ônov mbanomso mba Isaka mba uhar mbara, Aôndo tsua Yakob.

Yakob lu a tsombor u vesen kuma ônov mbanomso 12 kua mbakasev kpaa. Ônov mbanomso mba 10 mba Yakob mbara yange ve kôr anngô ve u kiriki Yosev ihyom nahan ve tee un hingir kpan ken Igipiti. Shighe karen yô, Yosev hingir tor u vesen ken Igipiti. Bo ijen va gbe yô, Yosev kar anngôôv nav sha er una fa aluer vea gema asema yô. Ken masejime yô, tsombor u Yakob cii, Mbaiserael, ve mough ve yem ken Igipiti. Kwagh ne yange er shighe u i mar Aberaham anyom kar kuma er 290 nahan yô.

Anyom ken hemen kuma er 215 nahan Mbaiserael lu ken Igipiti. Yosev kpe kera yô, ve hingir ikpan keregh. Shighe ze yô, i mar Mose, man Aôndo er tom a na sha u duen a Mbaiserael ken Igipiti kera. Kohol cii yô, i ôr akaa a mbayiase a a kom shighe er anyom 857 nahan yô ken Vegher u sha UHAR ne.

Tsombor u Yosev ngu yemen ken Igị̣piti