Aver yem sha atineakaa

Aver yem sha mver u atineakaa

 LU A IEREN I ORKRISTU

Mlu u Wang U Cian Aôndo la, Ka a Urugh Asema a Ior

Mlu u Wang U Cian Aôndo la, Ka a Urugh Asema a Ior

Ashie kpishi, kasev mba ve hingir mba nan jighjigh la, ka ve urugh noov vev sha mlu ve u wang u sha inja i Kristu la, ve va hingir u fan mimi. Nahan kpa, alaghga a gba u vea wa ishima a mtaver anyom imôngo. (1Pe 2:21-23; 3:1, 2) Aluer mba eren kwagh a we sha mimi ga kpa, za hemen u hemban kwaghbo sha kwagh u dedoo. (Ro 12:21) Alaghga ikyav you i dedoo la ia na kwagh u dedoo una due ker, a lu sha kwaghôron tseegh ga.

Nôngon u nengen kwagh er nomou a nengen la. (Fil 2:3, 4) Zungwen nomou mhôônom, shi nôngo sha afatyô wou eren ityom you i kwaseya la sha inja. Keghen ato a nomou tsembelee. (Yak 1:19) Waan ishima a nomou, shi pasen un er a doo u ishima yô. Aluer nomou ngu eren a we kundu kundu shi nan we icivir er u lu eren a na nahan la ga je kpa, fa wer Yehova wuese ieren you i mimi la.—1Pe 2:19, 20.

NENGE VIDIO I YEHOVA NE SE AGEE A TÔÔN IKYAV YASEV LA, MAA NA MLUMUN SHA MBAMPIN MBA VE DONDO NE:

  • Lu nyi Grace Li tagher a mi shie u er ivese ica lu a gba ga laa?

  • Lu nyi i na mimi u Bibilo hii u saren unu?

  • Anmgbian u kwase Grace Li yange wa ishima a mbamtaver shie u er batisema kera la nena?

  • Anmgbian u kwase Li yange er msen sôn nyi sha kwagh u nom na?

  • Ka averen a nyi Anmgbian u kwase Li a zough a mi sha mlu na u wang u cian Aôndo laa?

Mlu u wang u cian Aôndo la ngu a tahav!