Aver yem sha atineakaa

Aver yem sha mver u atineakaa

 LU A IEREN I ORKRISTU

Ior mba Lun Wang Doo Yehova Ishima

Ior mba Lun Wang Doo Yehova Ishima

“Ôô ave. Sôr iyou you ker. Ese hen inya. Kura ihyôghonough za haa kera.” Mbamaren kpishi ka ve tese mbayev vev er vea lu wang sha iyol yô. Nahan kpa, akaawan a sha kwagh u mlu u wang la, due hen icighan Aôndo wase. (Ek 30:18-20; Dut 23:14; 2Ko 7:1) Ka sea nenge ser iyol yase man akaa a ase nga wang yô, se va Yehova a icivir. (1Pe 1:14-16) Hide ya wase man ikyasen yase di ye? Er ior ka ve haan ihyôghonough côu côu sha igbenda man sha ajiir a ior memen nahan kpa, Mbakristu yô, ka ve nôngo sha afatyô ve cii u nengen ér tar u u lu ya ve ne ngu sha ashe wang. (Ps 115:16; Mp 11:18) Akaa a kiriki, er gbenda u se haan akpa a bisikii man suwiiti man upanpan mba kwaghman kua cingôm nahan kera la, aa fatyô u tesen ieren yase sha kwagh u mlu u wang. Se soo ser se ‘pasen ayol a ase ser se mba mbatomov mba Aôndo’ sha hanma vegher u uma cii.—2Ko 6:3, 4.

NENGE VIDIO I IOR MBA LUN WANG DOO AÔNDO ISHIMA LA, MAA NA MLUMUN SHA MBAMPIN MBA VE DONDO NE:

  • Ka akaa a nyi nahan alaghga mbagen vea kôr ave sha mi ér nga a yange ve u nengen sha akaa a ve ér a lu sha ashe wang-na?

  • Tindi u Mose la yange pase mnenge u Yehova sha kwagh u mlu u wang nena?

  • Se fatyô u eren shiada sha ci u Yehova a u ôron kwagh shio nena?

Me fatyô u tesen mer m ngu a mnenge u Yehova sha kwagh u mlu u wang ken uma wam nena?