Se er nan ve se fatyô u ‘nan iyol yase nyian gbar gbar u ivin ikyev yase sha u nan TER iyua’? (1Kr 29:5, 9, 14) I tese igbenda kposo kposo shin heen, i se fatyô u tsuan u eren uiyua sha asema a ase sha u suen tom u Mbashiada mba Yehova ve eren hen ityônya man sha tar cii la.

• TOM U I EREN SHA TAR CII LA

  u maan shi nengen sha iyaav mbi ubranci man afishi a geman kwagh a hen ityônya

  u eren imakeranta i nongo wase

  u nengen sha mba ve de akaa cii ve lu eren tom u icivirigh ayange ayange la

  u nan mba aahe a er ve la iwasen

  u gberen ityakerada shi eren uvidio shi veren akaa sha Intanet

• TOM U KUREN MBAMGBE MBA HANMA TIÔNNONGO LA

  inyaregh ki nengen sha tiônnongo, er u sôron Iyou i Tartor shi eren akaa a hange hange agen nahan

  uiceghzwa mba tiônnongo a er ér una tindin a inyaregh shin afishi a branci sha ci u:

  • maan Ayou a Tartor man Ayou a Mkohol sha tar cii

  • Gbenda u I Ser I Ver u Nan Atôônanongo Iwasen sha Tar Cii La

  • ityom igen i i eren sha tar cii la

TOM U EREN MBAMKOHOL MBA VESEN MAN MBA KIRIKI

Ka i tindi a uiyua mba i er hen mkohol u vesen wou la sha ci u tom u i eren sha tar cii la. Maa i dugh inyaregh kin i vihi sha u eren mbamkohol mba vesen man mbamkohol mba ityar ityar kua mbamkohol mba injaav mbagenev.

Uiyua mba i er sha ma mkohol u ningir la di ka i er tom a mi u kôron haya, eren mkohol u ningir her shi nengen sha akaa a mkohol shon shi sôron ajiir a mbamkohol mba kiriki shi kuren mbamgbe mba hen ningir mbagenev. Aluer ma ningir vihi inyaregh hemba her yô, una fatyô u eren iyua a ki sha ci u tom u Mbashiada mba Yehova u i eren sha tar cii la.