Aver yem sha atineakaa

Aver yem sha mver u atineakaa

 AKAAINJAA A KEN MKAANEM MA AÔNDO | MARKU 9-10

Mpase u sha Mnenge u Taver Jighjigh Wase

Mpase u sha Mnenge u Taver Jighjigh Wase

9:1-7

Gbidye kwar nenge er yange a lu Yesu ken ishima shighe u i gema mluyol na ve ungwa Ter na u sha yôô ér Un lumun un la. Kwagh ne na Yesu agee a wan ishima a ican i una va ya ken hemen la je ka u henen a hen ga. Shi mpase u sha mnenge ne wase Peteru man Yakobu kua Yohane kpen kpen. Mimi yô, Yesu lu Mesiya, nahan er ve kegh ato a na yô, lu sha inja je. Anyom nga kar 32 yô, Peteru shi umbur kwagh u yange er ne, kua er kwagh shon wase un u seer nan “kwaghôron u profeti” la jighjigh yô.—2Pe 1:16-19.

Er yange se nenge mpase u sha mnenge ne sha ashe a ase ga nahan kpa, se mba nengen er a lu kuren sha mi yô. Yesu u a lu tor u ageegh la ngu hemen. Ica a gba ga tsô, una “hemba” ityav, maa una va a tar u he u perapera la.—Mp 6:2.

Er u nenge kwaghôron u profeti a lu kuren sha mi yô, kwagh ne seer taver jighjigh wou nena?