Aver yem sha atineakaa

Aver yem sha mver u atineakaa

 LU A IEREN I ORKRISTU

“Kwagh u Aôndo Je Zua Yô . . . ”

“Kwagh u Aôndo Je Zua Yô . . . ”

Tindi u Mose yange tese ér aluer or soo u paven ivaa yô, nana vande ngeren takerada u sha tindi u ivaapaven. Kwagh ne a yange ior u paven ivaa gagher. Nahan kpa, sha ayange a Yesu la, mbahemenev mba kwaghaôndo na kera lu ican u paven ivaa ga. Nahan nomso ve fatyô u paven ivaa sha hanma ityôkyaa cii. (nwtsty ngeren mba henen kwagh a mi ken Mr 10:4, 11) Yesu tese ér, lu Yehova na ian ér ivese i lu ye, shi lu un hii kwagh u ivesegh kpaa ye. (Marku 10:2-12) Lu u nom man kwase vea zua, vea hingir “iyôgh i môm” gbem sha won. Sha kwagh u takerada u Mateu u tese yô, Ruamabera na ityôkyaa i môm tseegh i or a fatyô u paven ivaa yô, ér ka “idya.”—Mt 19:9.

Nyian ne, ior kpishi mba nengen ivaa er Yesu nahan ga, kpa mba nengen i er Mbafarishi nahan. Ior mba ken tar ka ve pav ivaa fese, shighe u mbamzeyol ve va dugh yô. Kpa Mbakristu mba ve vese ayolave la yô, mba nengen iceghzwa i ivesegh la ér ka beerkwagh ga, shi ka ve nôngo ve hemba mbamtaver mba ken ivese ve la sha u dondon akaawan a Bibilo. U nengen vidio i Dooshima man Icivir Ka Ve Na Icombor i Lu ken Mzough la u been yô, na mlumun sha mbampin mba ve dondo ne:

  • U fatyô u dondon kwagh u i er ken Anzaakaa 15:1 la ken ivese you nena, man kwagh ne ngu hange hange sha ci u nyi?

  • U fatyô u palegh mbamzeyol sha u dondon kwagh u i er ken Anzaakaa 19:11 la nena?

  • Aluer ivese you ngi vihin gban a gba kera, nahan u ngu henen wer, ‘M pav ivaa nee?’ yô, ka mbampin mba nyi i gbe u u gbidye sha mini?

  • U fatyô u hemban lun nom shin kwase u injaa sha u dondon kwagh u i er ken Mateu 7:12 la nena?