Aver yem sha atineakaa

Aver yem sha mver u atineakaa

 LU A IEREN I ORKRISTU

U Nengen a Mlu u Aôndo u I Nengen a Mi sha Ashe Ga la Kpa?

U Nengen a Mlu u Aôndo u I Nengen a Mi sha Ashe Ga la Kpa?

Ka wea kenger faluwa u lun a kala shin asan a sha kwavaôndo gayô mngerem ma ma lu kuan sha ijiir i taven haan shin inya iuu nahan, ka u nenge a tomaveegh u Orgbanakaa la kpa? Akaa a i gbe a kase se la nga pasen mlu u Yehova u i nengen a mi sha ashe ga la wang. (Ro 1:20) Ka sea gbidyen kwar sha akaa a se nengen a mi sha ashe a ase la yô, se fatyô u nengen a tahav mbu Aôndo man dooshima na man kwaghfan na man ieren na i mimi la, kua er a ne kwagh wuee la kpaa.—Ps 104:24.

Ka ityomaveegh i Yehova i nyi nahan, ka u nenge a mi hanma iyange? Aluer u ngu ken geri je kpa, u fatyô u nengen a annyonov shin ikyon. Aluer se mba kenger akaa a Yehova a gbe la zulee yô, ishima ia pande u nyian se shi se hemba veren ishima sha akaa a a hembe lun hange hange la, nahan se seer nan jighjigh ser Yehova ngu a tahav mbu nengen sha a vese zan zan gbem sha won. (Mt 6:25-32) Aluer u ngu a mbayev yô, wase ve ve nenge a aeren a Yehova a a hembe cii la. Ka sea seer lun a iwuese sha akaa a i gbe a kase se la yô, se hemba kporom ikyua a Orgban wase.—Ps 8:3, 4.

NENGE VIDIO I AKAA A KPILIGHYOL A I GBE A LA NGA PASEN IENGEM I AÔNDO—IWANGER MAN KALA LA, MAA NA MLUMUN SHA MBAMPIN MBA VE DONDO NE:

  • Kwagh u ka a na ma kwagh a lu a kala la, ka a wase se u nengen a ukala nena?

  • Ka nyi ka i na akaa a geman kala?

  • Ka se nenge a ukala sha kwavaôndo kposo kposo sha ci u nyi?

  • Ka ukala mba doon tsung mba nyi i gbe ve u nengen a mi ikyua a ya wouwe?

  • Doo u se tôô shighe se kenger akaa a sha gbaaôndo la zulee sha ci u nyi?

Iwanger man kala mba pasen nyi sha kwagh u aeren a Yehova?