Aver yem sha atineakaa

Aver yem sha mver u atineakaa

 LU A IEREN I ORKRISTU

Luun Imôngo Vea Ior mba Yehova a Doo Ve Ishima La

Luun Imôngo Vea Ior mba Yehova a Doo Ve Ishima La

Gba u se luun imôngo vea ior mba Yehova a doo ve ishima la sha ci u nyi? Sha ci u azende a ase nga a bende a vese sha gbenda u dedoo shin u bo. (Anz 13:20) Ikyav i tesen yô, Tor Yoashi lu eren “kwagh u dedoo sha ishigh ki TER” shighe u lu imôngo vea Yehoyada, Pristi u Tamen la. (2Kr 24:2) Kpa Yehoyada va kpe kera yô, Yoashi undu Yehova sha ci u ujende mba bov.—2Kr 24:17-19.

Sha ayange a mbaapostoli la, apostoli Paulu tôô tiônnongo u Kristu kar sha “ya u vesen,” gema tôô mba ve lu ken tiônnongo shon la kar sha “ikyav,” shin akaa a i eren tom a mi hen ya yô. Ka se za hemen u lun “ikyagh ki icivirigh” shighe u se palegh u lun kôôsôô a hanma or u nan lu eren ishima i Yehova ga la cii, nana lu or u hen tsombor wase shin or u ken tiônnongo wase je kpaa. (2Ti 2:20, 21) Sha nahan yô, se za nen hemen u kôron azende vea ior mba Yehova a doo ve ishima shi vea taver se ishima u civir un la.

NENGE VIDIO I HEN U VENDAN UJENDE MBA BOV LA, MAA NA MLUMUN SHA MBAMPIN MBA VE DONDO NE:

  • Ka sha igbenda i nyi nahan ujende mba bov vea fatyô u benden a vese?

  • Ken vidio i u nenge la, ka nyi i wase Mbakristu mba utar mbara u palegh ujende mba bovo?

  • Ka akaawan a Bibilo a nyi aa wase u u tsuan azende sha kwaghfana?

Mo m ngu “ikyagh ki icivirigh” je kpa?—2Ti 2:21