Aver yem sha atineakaa

Aver yem sha itinekwagh i vesen i sha uhar

Mbashiada mba Yehova

Tiv

Aôndo Lumun a Ieren i Vôson Ikpela Ukase Laa

Aôndo Lumun a Ieren i Vôson Ikpela Ukase Laa

Mlumun u Bibilo i ne yô

Ngise la, Aôndo de ior er kwasev imôngo. (Genese 4:19; 16:1-4; 29:18-29) Kpa lu Aôndo na zwa ér i vôson kasev imôngo ga. Yange na Adam kwase môm tseegh.

Aôndo yange na Yesu ian i hiden pasen awashima na u yange soo ér or a eren kwase môm tseegh la. (Yohane 8:28) Zum u i pine Yesu kwagh u ivese yô, a kaa ér: “Un u A er ve sha hiihii la je, A er ve nomsoor kua kwase; man A kaa er: Ka sha ci u nahan man nomsoor nana undu ter u nan man ngô u nan, nana var ken kwase u nan, ve uhar vea hingir iyôgh i môm ye.”—Mateu 19:4, 5.

Aôndo yange va mgbegha orhenen u Yesu ugen nger ér: “Hanma or nana̱ lu a kwase u nan iyol i nan, man hanma kwase di kpaa nana̱ lu a nom u nan iyol i nan.” (1 Mbakorinte 7:2) Bibilo shi kaa ér, aluer or soo u lun orkuran u ken nongo u Kristu yô, saa nana lu “or u kwase môm.”—1 Timoteu 3:2, 12.