Aver yem sha atineakaa

Aver yem sha itinekwagh i vesen i sha uhar

Mbashiada mba Yehova

Tiv

Lu Hanma Shighe i Nger Ngeren Mba sha Kwagh u Yesu?

Lu Hanma Shighe i Nger Ngeren Mba sha Kwagh u Yesu?

Mlumun u Bibilo i ne yô

Apostoli Yohane nger kwagh sha kwagh u akaa a yange er ken uma u Yesu la wener: “Un u a nenge la a er shiada sha mi, shiada na kpaa ka u mimi; a shi a fa kwagh u un kaa la ka u mimi je, sha u ne kpaa ne̱ na jighjigh yô.”—Yohane. 19:35.

Ityôkyaa môm i se fatyô u nan Ivangeli i Mateu man Marku man Luka kua Yohane ve nger la jighjigh yô, ka sha ci u yange ve nger akaaôron ne zum u ior mba ve nenge akaa ne sha ashe a ve mbara lu uma her yô. Mbagenev je yô kaa ér yange i nger Ivangeli i Mateu ken inyom i 41, zum u Yesu kpe anyom kar anigheni tseegh la. Mbafantakerada kpishi kaa ér Yesu kpe anyom kaa imôngo cii i nger ityakerada ne ye, kpa ior kpishi hemba lumun ér ityakerada i ken Ruamabera u Mbakristu u ken Zwa Grika cii, yange i nger i sha shighe u mbaapostoli la.

Mba yange ve nenge a Yesu shighe u lu uma, man shighe u va kpe, kua shighe u i nder un shin ku la cii, vea lumun a akaa a i nger ken ityakerada i Ivangeli ne la. Shi luun er yange i nger akaa agen sha mimi ga yô, ma i taver ve u ponon a ga. Profesôr ugen u i yer un ér F. F. Bruce yô, kaa ér: “Kwagh u vesen ugen u na ve ityesen i mbaapostoli la hemba kôron ior ken ishima yô, lu vangertiôr u mbaapostoli mbara lu a mi ér mbaungwan mbara lan kwagh u a ze hemen la ga la. Yange ve kaa a ve ér ‘Se mba shiada sha akaa ne’ tseegh tsô ga, shi ve kaa a ve ér ‘Er ne kpaa ne fe nahan’ (Aerenakaa. 2:22).