Aver yem sha atineakaa

Aver yem sha itinekwagh i vesen i sha uhar

Mbashiada mba Yehova

Tiv

Gba u Se Eren Msen sha Ci u Nyi? Aôndo Una Ungwam Je He?

Gba u Se Eren Msen sha Ci u Nyi? Aôndo Una Ungwam Je He?

Mlumun u Bibilo i ne yô

Een, una ungwa. Bibilo, kua akaa a a er ior kpôô kpôô yô, tese ér Aôndo ongo mbamsen. Bibilo kaa ér: “ [Aôndo] Una na mba ve cie Un la kwagh u a sar ve yô, man shi Una ungwa mliam vem, Una yima ve kpaa.” (Pasalmi 145:19) Aluer ka u Aôndo una ungwa msen wou kpa, ka gbenda u u er msen la ua na una ungwa ye.

Kwagh u kwagh a gbe Aôndo sha mi yô

  • Eren msen hen Aôndo, i de lu hen Yesu shin Maria shin uicighanmbaiorov shin mbatyomov shin ieev ga. Ka Yehova Aôndo tseegh a “ongo msen” ye.​—Pasalmi 65:2.

  • Eren msen sha akaa a a lu sha ishima i Aôndo, shin a zough sha atindi a na la, er Bibilo i tese nahan.—1 Yohane 5:14.

  • Eren msen ken iti i Yesu, sha u tese wer u na un icivir. Yesu kaa ér: “Ma or gbe van hen Terem ga, saa nana kar her a Mo.”​—Yohane 14:6.

  • Eren msen sha jighjigh u nan, sôn wer Aôndo a wase u u seer nan un jighjigh, aluer gba u u er nahan yô.—Mateu 21:22; Luka 17:5.

  • Eren msen a iyolhiden ijime man sha mimi. Bibilo kaa ér: “Er TER A lu Sha, nahan kpaa, we mbahiden ayol ijime ikyo.”​—Pasalmi 138:6.

  • Eren msen gbem. Yesu kaa ér: “Sôn nen, á na ne.”​—Luka 11:9.

Kwagh u kwagh a gbe Aôndo sha mi ga yô

  • Wea lu or-il shin or-nyian shin wea due ken tar u han han kpaa, una ungwa msen wou. “Aôndo ka u sangen a sange ior ga, kpa ken hanma ikyurior yô, or u nan cie Un, nan eren perapera kpaa yô, Una lumun nan.”​—Aerenakaa 10:34, 35.

  • Wea yav inya shin wea gure shin wea tema a tema shin wea tile shisha shin wea ngurum a ngurum kpa u fatyô u eren msen hen Aôndo.—1 Kroniku 17:16; Nehemia 8:6; Daniel 6:10; Marku 11:25.

  • U fatyô u eren msen duen sha shin eren shin ikyer ving ving. Aôndo ongo mbamsen mba shin ikyer, mba ior ve ongo ga la je kpaa.—Nehemia 2:1-6.

  • Mbamzeyol ou vea lu mbavesen shin mba kiriki kpaa. Aôndo ngu kaan a we ér we u ‘gema ishima i nyian you la cii, u haa sha a Na, gadia ka Un A lu koson we ye. ’​—1 Peteru 5:7.