Aver yem sha atineakaa

Aver yem sha itinekwagh i vesen i sha uhar

Mbashiada mba Yehova

Tiv

Er Nan Ve Ior Ve Kpene?

Er Nan Ve Ior Ve Kpene?

Mbampin mba Bibilo I Ne Mlumun sha Mi La / Uma man Ku / Er Nan Ve Ior Ve Kpene?

Mlumun u Bibilo i ne yô

Ashighe kpishi ka i taver se er i hii ve ior ve lu kpen yô, hemban je yô shighe u or wase u ishima ishima nan saa ku yô. Bibilo kaa ér: “Soho u kuugh yô, ka isholibo.”—1 Mbakorinte 15:56.

Er nan ve ior cii ve lu mbaasorabo shi ve kpene?

Uumace mba hiihii mbara, Adam man Ifa, yange ve ta uma ve kera sha ci u ve er Aôndo isholibo. (Genese 3:17-19) Er ve hemba Aôndo ato yô, lu u vea kpe kpee, sha ci u ka hen a Aôndo “imbor i uma i lu ye.”—Pasalmi 36:9; Genese 2:17.

Ônov mba Adam cii yange mar ve ken isholibo. Bibilo kaa ér: “Er isholibo nyôr shin tar sha or môm, man ku gema va sha ci u isholibo yô, nahan ku va sha ior cii sha ci u ve cii ve er isholibo yô.” (Mbaromanu 5:12) Ior cii mba kpen sha ci u ve cii ve er isholibo.—Mbaromanu 3:23.

Gbenda u a va kar a ku kera la

Aôndo tôndo zwa ér shighe ngu van u “Una tim ku sha won kera” yô. (Yesaia 25:8) Kpa cii man a tim ku kera yô, a gba u una wuhe mishe u kuugh kera, ka isholibo je la. Aôndo una er kwagh ne sha ikyev i Yesu Kristu, un “u A tee isholibo i tar kera” la.—Yohane 1:29; 1 Yohane 1:7.