Aver yem sha atineakaa

Mbashiada mba Yehova

Tsua Zwa Tiv

Er Nan i Gbe u Se Er Msen ken Iti i Yesu?

Er Nan i Gbe u Se Er Msen ken Iti i Yesu?

Mlumun u Bibilo i ne yô

Se mba eren msen hen Aôndo ken iti i Yesu sha ci u ka cii gbenda u Aôndo a lumun ér se se̱ va hen a Na je la. Yesu yange kaa ér: “Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.” (Yohane 14:6) Yesu shi yange kaa a mbaapostoli nav mba jighjigh mbara ér: “Mimi mimi je, M kaan ne ne, nyityô kwagh i ne sôn Ter yô, Una na ne i ken iti Yam.”—Yohane 16:23.

Atôakyaa agen a a ne ve se eren msen ken iti i Yesu yô

  • Ka sha u nan Yesu man Ter na, Yehova Aôndo icivir.—Mbafilipi 2:9-11.

  • Ka sha u tesen iwuese sha nagh ku Yesu a ne sha ci wase la ser ka gbenda u Aôndo a bugh se u zuan a myom yô.—Mateu 20:28; Aerenakaa 4:12.

  • Se nenge ser ka Yesu a lu or u himen uumace a Yehova ye.—Mbaheberu 7:25.

  • Se mba ne Yesu icivir sha ci u ngu Zegepristi u una fatyô u wasen se u yan ikyar i dedoo vea Aôndo yô.—Mbaheberu 4:14-16.