Aver yem sha atineakaa

Mbashiada mba Yehova

Tsua Zwa Tiv

Aluer Se Soo Ayol a Ase yô, Doo u Se Tsaan Imôngo Gaa?

Aluer Se Soo Ayol a Ase yô, Doo u Se Tsaan Imôngo Gaa?

Mlumun u Bibilo i ne yô

Bibilo pase wang ér “Aôndo Una ôr mbaerenijimba man mbavihin ivaa sha idya la ijir.” (Mbaheberu 13:4) Ishember i ken zwa Grika i i yer ér idya, por·neiʹa la wa u yaven a or u ú vese nan ga la kpa ker. Sha nahan yô, aluer ior mba ve lu a vôso ayol a ve ga la mba tsan imôngo yô, ka kwaghbo sha ishigh ki Aôndo, aluer ve wa ishima u va vôson ayol a ve ken hemen je kpaa.

Kpa aluer nomsoor man kwase soo ayol a ve tsung di ye? Nahan je kpa Aôndo soo ér saa ve̱ vôso ayol a ve man vea yav a ayol a ve ye. Ka Aôndo yange gba se a isharen i soon ayol a ase ye. Ka dooshima a lu ieren i vesen i Aôndo ye. (1 Yohane 4:8) Sha nahan yô, ngu a ityôkyaa i dedoo i i ne ve a kaa ér, i lu mba ve vese ayol a ve tseegh ve yaven a ayol a ve yô.