Aver yem sha atineakaa

Aver yem sha itinekwagh i vesen i sha uhar

Mbashiada mba Yehova

Tiv

Do u Gbidyen Ka Kwaghboo?

Do u Gbidyen Ka Kwaghboo?

Mlumun u Bibilo i ne yô

Shin er Bibilo i er kwagh u do u gbidyen vighe vighe ga nahan kpa, akaawan a ken Bibilo la tese ér Aôndo nenge do u gbidyen ér ka kwaghbo.​—⁠Mbaefese 5:17. *

  • Ka hua ngu a na ve ior ve gbidye do ye, man Aôndo gema kôr hua u eren ihyom. (1 Mbakorinte 6:​9, 10; Mbaefese 5:​3, 5) Awashima u mba gbidyen do yô, ka i lu u yan mtsera sha ior mbagenev, kpa Bibilo venda ieren i tômon kwagh u ior mbagenev la.​—⁠Ekesodu 20:17; Mbaromanu 7:7; 13:​9, 10

  • Or ka nana gbidyen do, a̱ lu sha inyaregh ki cuku kpa, kwagh la a na inyaregh ki hingir u doon nan ishima za karen ikyaa inya.​—⁠1 Timoteu 6:​9, 10.

  • Mba gbidyen do kpishi na jighjigh a bi man ikyôrlaghen. Nahan kpa, Aôndo nenge imba ieren ne ér ka akombo a civir, man kwagh ne gba zua vea mcivir na ga.​—⁠Yesaia 65:⁠11.

  • Bibilo wa se ér se de keren u yan or kwagh ingbete ga, kpa se er tom taveraa. (Orpasenkwagh 2:24; Mbaefese 4:28) Mba ve dondo kwaghwan u Bibilo i er la yô, ka “ve̱ ya kwaghyan ve ayol a ve.”​—⁠2 Mbatesalonika 3:​10, 12.

  • Or ka nana gbidyen do yô, nan lu a ieren i tan ihagh ken a nan, man ka ieren i Bibilo i vende yô.​—⁠Mbagalatia 5:⁠26.

^ par. 3 Jighilii yô, ken Bibilo cii i ôr kwagh u do u gbidyen hen ijiir i i kaa ér, shoja i Mbaromanu yange ve er “ishor” sha akondo a Yesu la.​—⁠Mateu 27:35; Yohane 19:​23, 24.