Aver yem sha atineakaa

Aver yem sha itinekwagh i vesen i sha uhar

Mbashiada mba Yehova

Tiv

Bibilo Nger Kwagh u Uma u Yesu Voughlo?

Bibilo Nger Kwagh u Uma u Yesu Voughlo?

Mlumun u Bibilo i ne yô

Orngeren Bibilo Luka yange ôr kwagh sha kwagh u uma u Yesu kaa ér: “M time sha akaa la cii doo doo, hii sha mhii u a zan zan.”—Luka 1:3.

Mbagenev nenge ér shighe u Yesu yem anyom kar er deri utar man kwagh la, i gema akaa agen a i nger ken ityakerada i Ivangeli i ken Bibilo, i i er kwagh u uma u Yesu la; ka Mateu man Marku man Luka man Yohane je la. Kpa kwagh er doo yô, shighe u inyom i sha 1900 kar lu a za ica ga la, i zua a avegher a Takerada u Ivangeli u Yohane ken tar u Igipiti. Mba yer u hegen ér Papiru Rylands 457 (P52), shi i za koso u ken iyou i koson ityakerada, i i yer ér John Rylands la, ken kpentar u Manchester, tar u Ingila. Ngu a kwagh u i nger ken Yohane 18:31-33, 37, 38, ken Bibilo i ainge ne la. Ka vegher takerada u ken Ruamabera u Mbakristu u ken Zwa Grika, u a hembe tsan cii yô. Mbafantakerada kpishi lumun je ér yange i nger vegher u takerada u Yohane ne er ken inyom i 125 nahan; inja na yô, i nger takerada u Yohane i bee anyom kar di ér 25 nahan tseegh maa i nger un. Ngeren u sha vegher u ruamabera ne zua sha ngeren mba sha ave mba yange i va nger la.